వైల్డ్ లైఫ్ ఫోటోగ్రాఫర్‌గా రామ్ చరణ్.. అదిరిపోయిన లుక్

సామాజిక సేవలో..

సామాజిక సేవ చేసేందుకు ఉపాసన ఎప్పుడూ ముందుంటుంది. ఆరోగ్య చిట్కాలను, ఆయుర్వేద పద్దతులను, రసాయనాలు లేని సహజ సిద్దమైన వంటల గురించి అవగాహన కలిగిస్తూ తన ఫాలోవర్స్‌ను చైతన్య పరుస్తూ ఉంటుంది. మొక్కలు, జంతువులు, పర్యావరణం, పక్షులంటూ ఆలోచిస్తూ ఉంటుంది.

ఆఫ్రికా టూర్ వేసిన దంపతులు..

ఆ మధ్య ఈ ఇద్దరు కలిసి ఆఫ్రికాలో వన్యప్రాణి సంరక్షణ కేంద్రాలను సందర్శించిన సంగతి తెలిసిందే.అక్కడి రకరకాలు జంతువులు, వాటిని పెంచే విధానం, సంరక్షించే పద్దతుల గురించి తెలుసుకున్నారు. వీరి ఆఫ్రికా టూర్‌కు సంబంధించిన ఫోటోలు, వీడియోలు ఎంతగా వైరల్ అయ్యాయో ప్రత్యేకంగా చెప్పనక్కర్లేదు.

అత్యాధునిక హంగులతో..

రామ్ చరణ్-ఉపాసనల నివాసం కోసం ప్రత్యేకంగా ఓ ఇంటిని నిర్మించుకుంటోన్న సంగతి తెలిసిందే. ఇంటీరియర్ డిజైన్ కోసం ప్రపంచ ప్రసిద్ది చెందిన వారితో అలంకరించేందుకు ప్లాన్ చేశారు. అత్యాధునిక హంగులతో నిర్మిస్తోన్న ఈ భవంతిలోకి త్వరలోనే ప్రవేశించబోతోన్నట్లు తెలుస్తోంది.

వరల్డ్ వైల్డ్ లైఫ్ ఫండ్..

ఈ కొత్త ఇంట్లోనే వరల్డ్ లైఫ్ ఫండ్ కోసం ఓ ప్రత్యేక కార్యక్రమాన్ని నిర్వహించబోతోన్నారు. రామ్ చరణ్, ఉపాసన కలిసి హోస్ట్ చేసే ఈ ఈవెంట్‌ను వైల్డెస్ట్ డ్రీమ్స్ అని నామకరణం చేసినట్టు తెలుస్తోంది. వారి నూతన గ‌ృహంలో ఈ కార్యక్రమాన్ని త్వరలోనే నిర్వహించబోతోన్నారు.