Don't Miss!
- Sports IPL 2024: రెండుగా చీలిన ముంబై ఇండియన్స్.. హార్దిక్ మాట వినని రోహిత్ గ్రూప్!
- News న్యూయార్క్ టైమ్స్ స్క్వేర్లో భూపాలపల్లి ఫొటోగ్రాఫర్ చిత్రం ప్రదర్శన
- Automobiles నితిన్ గడ్కరీ కీలక ప్రకటన.. వాహనదారులు తప్పక తెలుసుకోవాల్సిందే!
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘ఆచార్య’ కోసం చరణ్ అలా ప్లాన్ చేస్తున్నాడట.. అప్పటి నుంచే షూటింగ్
టాలీవుడ్లో ఉన్న స్టార్ హీరోల్లో మెగా పవర్ స్టార్ రామ్ చరణ్ ఒకడు. చాలా కాలంగా వరుసగా సినిమాలు చేసుకుంటూ వస్తున్న అతడు.. మాస్ డైరెక్టర్ బోయపాటి శ్రీను తెరకెక్కించిన 'వినయ విధేయ రామ' తర్వాత మరో సినిమాలో కనిపించలేదు. ప్రస్తుతం అతడు దర్శకధీరుడు రాజమౌళి తెరకెక్కిస్తోన్న RRRలో నటిస్తున్నాడు. ఎంతో ప్రతిష్టాత్మకంగా రూపొందుతోన్న ఈ చిత్రంలో అతడు.. విప్లవ వీరుడు అల్లూరి సీతారామరాజుగా నటిస్తున్నాడు. ఈ సినిమా తర్వాత చరణ్ చేసే ప్రాజెక్టులపై ఎన్నో ఊహాగానాలు తెరపైకి వచ్చినప్పటికీ క్లారిటీ మాత్రం రావడం లేదు.
RRR కాకుండా రామ్ చరణ్ తన తండ్రి నటిస్తున్న 'ఆచార్య'లో కీలక పాత్రను పోషిస్తున్నాడు. కొరటాల శివ తెరకెక్కిస్తోన్న ఈ చిత్రంలో దాదాపు ముప్పై నిమిషాల పాటు ఉండే ఆయన పాత్ర సినిమాకే హైలైట్గా నిలవనుందని ప్రచారం జరుగుతోంది. అంతేకాదు, చరణ్ పోషించే పాత్ర చిరంజీవికి గురువులా ఉంటుందని కూడా వార్తలు వస్తున్నాయి. ఈ సినిమాలో అతడికి జోడీగా బాలీవుడ్ బ్యూటీ కియారా అద్వాణీ నటిస్తుందని అంటున్నారు. ఈ సినిమా కోసం జనవరి నుంచి డేట్స్ కేటాయించాడట మెగా పవర్ స్టార్.
కొణిదెల ప్రొడక్షన్స్, మ్యాట్నీ మూవీస్ సంస్థలు సంయుక్తంగా నిర్మిస్తున్న ఈ సినిమా ప్రస్తుతం షూటింగ్ జరుపుకుంటోంది. ఇందులో చిరంజీవిపై ఫ్లాష్ బ్యాక్ సీన్స్ చిత్రీకరిస్తున్నారు. దీని తర్వాత జనవరిలో మరో షెడ్యూల్ ప్రారంభం కానుందట. అందులో రామ్ చరణ్ పాత్రకు సంబంధించిన భాగాన్ని షూట్ చేస్తారని అంటున్నారు. అందులోనే కియారా సీన్స్ కూడా ఉంటాయని ప్రచారం జరుగుతోంది. ఎంతో ప్రతిష్టాత్మకంగా రూపొందుతోన్న ఈ చిత్రంలో చిరంజీవికి జోడీగా కాజల్ అగర్వాల్ నటిస్తున్న విషయం తెలిసిందే.