అదిరిపోయే స్టెప్పులేస్తున్న చెర్రీ, జక్కన్న.. మార్క్ సెట్ చేస్తూ పోవాలంటూ రామ్ చరణ్ విషెస్

ఐకానిక్ డైరెక్టర్ అంటూ..

సూపర్ స్టార్ మహేష్ బాబు తన స్టైల్లో రాజమౌళికి పుట్టినరోజు విషెస్ తెలిపాడు. ఐకానిక్ డైరెక్టర్ రాజమౌళికి పుట్టినరోజు శుభాకాంక్షలు.. ఫిల్మ్ మేకర్ జనరేషన్‌ మొత్తానికి మీరు ఇన్స్పైర్ చేస్తూ ఉండాలి. మున్ముందు ఇంకా బాగుండాలని తెలిపాడు.

అదిరిపోయే ఫోటో షేర్ చేస్తూ.. చెర్రీ విషెస్

రాజమౌళి తనయుడు కార్తికేయ వివాహ మహోత్సవంలో రాజమౌళి, చెర్రీ కలిసి స్టెప్పులేసిన ఫోటోను షేర్ చేస్తూ.. జక్కన్న తన అభిమానాన్ని చాటుకుంటూ.. పుట్టిన రోజు శుభాకాంక్షలను తెలిపాడు. మీరు ఇలానే భారతీయ సినిమాల స్థాయిని, బెంచ్ మార్క్‌ను పెంచుకుంటూనే పోవాలని కోరుకుంటున్నాని సోషల్ మీడియా వేదికగా తెలిపాడు.

ఎన్టీఆర్, చరణ్‌లతో భారీ మల్టీస్టారర్..

బాహుబలి ఫ్రాంచైజీ తరువాత జక్కన్న మరో మల్టీ స్టారర్ చిత్రాన్ని ప్రకటించి.. టాలీవుడ్‌ను షేక్ చేశాడు. యంగ్ టైగర్ ఎన్టీఆర్, మెగా పవర్ స్టార్ రామ్ చరణ్‌లతో సినిమా చేస్తున్నట్లుప్రకటించి.. ఆర్ఆర్ఆర్ వర్కింగ్ టైటిల్‌తోనే ఎంతో సెన్సేషన్ క్రియేట్ చేశారు.

టైటిల్ ఇదేనంటూ ప్రచారం...

ఆర్ఆర్ఆర్ వర్కింగ్ టైటిల్ అని ప్రకటించినా.. అది జనాల్లోకి బాగా వెళ్లడంతో వాటితో సరిపోయే పేర్లను.. సూచించమని సోషల్ మీడియాలో కాంటెస్ట్ కూడా నిర్వహించారు. దీనికి పెద్ద మొత్తంలో స్పందన వచ్చింది. అయితే రీసెంట్‌గా ఈ టైటిల్‌పై కసరత్తు ప్రారంభించినట్లు సమాచారం. రామ రౌద్ర రుషితం అనే టైటిల్‌ను ఫిక్స్ చేసినట్లు వార్తలు వచ్చాయి. కొమ్రంభీమ్ పాత్రలో ఎన్టీఆర్, అల్లూరి సీతారామ రాజు పాత్రలో రామ్ చరణ్ నటించనున్న ఈ మూవీ వచ్చే ఏడాది జూన్ 30న విడుదల కానుంది.