బ్రేకింగ్.. రిలీజ్ కి సిద్దమైన అర్జీవి క్లైమాక్స్.. టికెట్ రేట్ ఫిక్స్!

క్లైమాక్స్ ఎప్పుడంటే..

మొత్తానికి రామ్ గోపాల్ వర్మ మియా మాల్కోవా తీసిన క్లైమాక్స్ సినిమాను డిజిటల్ ఫ్లాట్ ఫార్మ్ లో రిలీజ్ చేయడానికి సిద్ధమయ్యాడు. అందుకోసం శ్రేయస్ ఎంటర్టైన్మెంట్ వాళ్ళతో చేతులు కలిపి స్పెషల్ యాప్ లో జూన్ 6న రిలీజ్ చేయాలని డిసైడ్ అయ్యాడు. సెన్సార్ తో ఇబ్బందులు లేకుండా వర్మ స్పెషల్ ఫ్లాట్ ఫార్మ్ సెట్ చేసుకున్నాడు.

అందరికి ఒకటే రేట్..

ఇక ఈ సినిమా చూడాలంటే అందరికి ఒకటే రేట్. ఒక వ్యూవ్ కోసం 100రూపాయలు ఫిక్స్ చేశారు. త్వరలోనే లాగ్ ఇన్ డీటెయిల్స్ వస్తాయని చెబుతూ.. జూన్ 6వ తేదీన రాత్రి 9గంటల నుంచి సినిమా ఆన్లైన్ లో సందడి చేయనున్నట్లు వర్మ క్లారిటీ ఇచ్చాడు. ఒక వ్యూవ్ కోసం వంద రూపాయలు ఫిక్స్ చేయడంతో నెటీజన్స్ నుంచి భిన్నాభిప్రాయాలు వెలువడుతున్నాయి.

మరో ట్రైలర్..

ఇప్పటికే క్లైమాక్స్ టీజర్ ట్రైలర్ తో మంచి హైప్ క్రియేట్ చేసిన అర్జీవి నెక్స్ట్ మరొక ట్రైలర్ ని కూడా రిలీజ్ చేయబోతున్నాడు. శనివారం సాయంత్రం 5గంటలకు సెకండ్ ట్రైలర్ రిలీజ్ కానున్నట్లు సోషల్ మీడియా ద్వారా తెలియజేసారు అర్జీవి. మియా మాల్కోవా ప్రధాన పాత్రలో తెరకెక్కిన ఈ సినిమాతో అర్జీవి ఎలాంటి సక్సెస్ అందుకుంటాడో చూడాలి.

ఎవరు అడ్డుకోలేరు.

కరోనా సమయంలో థియేటర్స్ క్లోజ్ అవ్వడం వలన మరో రెండు నెలల పాటు ఎలాంటి సినిమాలు విడుదల అయ్యే అవకాశం లేదని ఇప్పటికే ప్రభుత్వం నుంచి ఆదేశాలు వచ్చాయి. సినిమా షూటింగ్స్ జరగడమే కష్టంగా ఉన్న సమయంలో సినిమాలను రిలీజ్ చేయడం అనేది చాలా కష్టమైన పనిగా మారింది. అయితే అర్జీవి మాత్రం లాక్ డౌన్ తో సంబంధం లేదని తన సినిమాను ఎవరు అడ్డుకోలేరని ఇటీవల కామెంట్ చేసిన విషయం తెలిసిందే.