హోమ్

లేటేస్ట్ న్యూస్

ఇటీవలే లక్ష్మీస్ ఎన్టీఆర్ సినిమాతో సంచలనం సృష్టించిన వర్మ.. తాజాగా కమ్మ రాజ్యంలో కడప రెడ్లు అంటూ మరో డిఫెరెంట్ సినిమాతో మన ముందుకు రాబోతున్నాడు. ఇప్పటికే విడుదలైన ఈ సినిమా అప్‌డేట్స్ సినీ, రాజకీయ వర్గాల్లో గుబులు పుట్టించాయి. దీంతో ఈ సినిమా విడుదలపై పలు కేసులు నమోదయ్యాయి. దీంతో ఈ సినిమా విడుదలను వాయిదా వేయడం జరిగింది.

నిజానికి కమ్మ రాజ్యంలో కడప రెడ్లు సినిమా నవంబర్ 29వ తేదీన ప్రేక్షకుల ముందుకు రావాల్సిఉంది. కానీ సెన్సార్ బోర్డు పర్మిషన్ రాకపోవడంతో ఈ సినిమాను వాయిదా వేశాడు వర్మ. ఈ నేపథ్యంలో సినిమా పేరును కూడా కమ్మ రాజ్యంలో కడప రెడ్లు సినిమా పేరును 'అమ్మరాజ్యంలో కడప బిడ్డలు'గా మార్చుతున్నట్లు తెలిపాడు.

కాగా తాజాగా ఈ సినిమా అప్‌డేట్ ఇదీ అంటూ ట్వీట్ చేశాడు వర్మ. శనివారం ఈ చిత్రాన్ని సెన్సార్ బోర్డ్ వీక్షించిందని, చిత్రంలో అవసరమైన మార్పుల్ని సూచించాలని కోరుతూ కేంద్ర రివైజింగ్ కమిటీకి సిఫార్స్ చేసిందని పేర్కొంటూ ట్విట్టర్ ద్వారా తాజా అప్‌డేట్ తెలియజేశారు రామ్‌గోపాల్‌వర్మ.

The censor committee has seen KAMMA RAJYAMLO KADAPA REDDLU today and informed us that they would like the revising committee to see it for the appropriate changes if any

— Ram Gopal Varma (@RGVzoomin) November 30, 2019

రివైజింగ్ కమిటీ తీసుకునే నిర్ణయం అనంతరమే ఈ సినిమా విడుదల తేదీపై స్పష్టత రానున్నట్లు తెలుస్తోంది. ఈ చిత్రానికి సిద్ధార్థ తాతోలు దర్శకత్వం వహించారు. ఈ సినిమా ఎలా ఉండబోతోంది? ముఖ్యంగా వర్మ టార్గెట్ చేసిన రాజకీయ పార్టీ ఏంటి? అనేదానిపై జనాల్లో చర్చలు ముదురుతున్నాయి. చూడాలి మరి చివరకు సినిమాలో ఏం చుపిస్తారనేది.