Don't Miss!
- Sports RR vs DC: అందుకే పృథ్వీ షాను తీసుకోలేదు: రిషభ్ పంత్
- News హీరోయిన్ నిధి అగర్వాల్ చేతుల మీదగా గ్రాండ్గా రీలాంచ్ అయిన CMR షాపింగ్ మాల్
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
వావ్! వర్మకు భలే ఆలోచన వచ్చిందే.. మరో సంచలనానికి నాంది.. టార్గెట్ ఎవరంటే..
సంచలనాలకు కేంద్రబిందువు, వివాదాలకు కేరాఫ్ అడ్రస్ రామ్ గోపాల్ వర్మ అని ప్రత్యేకంగా చెప్పాల్సిన పనిలేదు. ఇటీవలే 'లక్ష్మీస్ ఎన్టీఆర్' సినిమాతో సినీ, రాజకీయ వర్గాల్లో గుబులు పుట్టించిన ఆయన ఈ సారి 'కమ్మ రాజ్యంలో కడప రెడ్లు' అంటూ గొడ్డలి పెట్టుకు రెడీ అయ్యాడు. ఏ మాత్రం కాంట్రవర్సీ లేదంటూనే ఈ సినిమా నుంచి అప్డేట్స్ రిలీజ్ చేస్తూ సినీ, రాజకీయ వర్గాల్లో గుబులు పుట్టిస్తున్నాడు. తాజాగా దీనికి కూడా కొనసాగింపు ప్రకటించాడు వర్మ.
'కమ్మ రాజ్యంలో కడప రెడ్లు' సీక్వెల్
ఇప్పటికే 'కమ్మ రాజ్యంలో కడప రెడ్లు' అప్డేట్స్ ద్వారా సంచలనం సృష్టిస్తున్న రామ్ గోపాల్ వర్మ.. ఇప్పుడు దానికి సీక్వెల్ కూడా అనౌన్స్ చేసేయడం సినీ, రాజకీయ వర్గాల్లో చర్చనీయాంశంగా మారింది. 'కమ్మ రాజ్యంలో కడప రెడ్లు' అనే సినిమాకు సీక్వెల్ తీయాలనే ఆలోచన వచ్చిందని చెబుతూ సోషల్ మీడియాలో పోస్ట్ పెట్టాడు వర్మ.
టీడీపీకి గుడ్ బై చెప్పిన తర్వాత
టీడీపీకి గుడ్ బై చెప్పిన వల్లభనేని వంశీ ఫైర్ అవుతున్న ఇంటర్వ్యూలు చూశాక తనకు ఓ ఐడియా వచ్చిందని తెలిపిన వర్మ.. ఏకంగా 'కమ్మ రాజ్యంలో కడప రెడ్లు' సినిమాకు సీక్వెల్ రూపొందిస్తానని చెప్పేశాడు. పైగా ఆ సినిమా టైటిల్ కూడా ఆయన ప్రకటించడం సినీ, రాజకీయ వర్గాలకు మరో షాకిచ్చింది.
టైటిల్ ఇదే.. పోలీస్ కేసు వరకూ
ఈ సీక్వెల్కు 'రెడ్డి రాజ్యానికి కమ్మ ఫ్యాన్స్' అనే టైటిల్ ఫిక్స్ చేసినట్లుగా ట్విట్టర్ ద్వారా ప్రకటించాడు రామ్ గోపాల్ వర్మ. ఇదిలా ఉంటే వర్మ తాజా సినిమా టైటిల్ 'కమ్మ రాజ్యంలో కడప రెడ్లు' ఇప్పటికే వివాదాస్పదమై పోలీస్ కేసు వరకూ వెళ్లిన సంగతి తెలిసిందే. కులాల పేరుతో పెట్టే ఇలాంటి టైటిల్స్ ప్రజల మధ్య అంతరాన్ని పెంచుతాయని పలువురు రాజకీయ నేతలు ఆరోపిస్తున్నారు.
|
ప్రత్యేకంగా ఓ పార్టీకి చుక్కలు చూపిస్తూ..
ఇటీవలే విడుదల చేసిన 'కమ్మ రాజ్యంలో కడప రెడ్లు' సినిమా ట్రైలర్లో ప్రతీ ఒక్కరినీ టార్గెట్ చేస్తూ తనదైన కోణంలో సన్నివేశాలు చూపించాడు వర్మ. ముఖ్యంగా ఓ పర్టికులర్ పార్టీకి చుక్కలు చూపించాడు. మొత్తానికి ఈ సినిమా నుంచి విడుదలవుతున్న అప్డేట్స్ చూస్తుంటే 'కమ్మ రాజ్యంలో కడప రెడ్లు' తెలుగు రాష్ట్రాల్లో రాజకీయ ప్రకంపనలు సృష్టించడం ఖాయం అని తెలుస్తోంది.
Recommended Video
టార్గెట్ రీచ్ అయ్యే దాకా వదలడా? ఏంటి..
'కమ్మ రాజ్యంలో కడప రెడ్లు' సినిమా, దానిపై వర్మ ఇస్తున్న అప్డేట్స్ విడుదలకు ముందే ఇలాసంచలనం క్రియేట్ చేస్తుండటం చూసి ఇక విడుదలైతే ఆ సెన్సేషన్స్ ఊహించడం కష్టమే అంటున్నారు విశ్లేషకులు. పైగా అప్పుడే దీనికి సీక్వెల్ కూడా ప్లాన్ చేయడం చూస్తుంటే.. వర్మ టార్గెట్ రీచ్ అయ్యే దాకా వదిలేలా లేడని తెలుస్తోంది.