Don't Miss!
- News మేనిఫెస్టోను ప్రజల్లోకి తీసుకెళ్లేలా మరింత ఉధృతంగా వైఎస్ జగన్ చివరి విడత ప్రచారం
- Sports CSK vs LSG: అతని వల్లే గెలిచే మ్యాచ్లో ఓడాం: రుతురాజ్ గైక్వాడ్
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రెండు రోజుల్లో ప్రేక్షకుల ముందుకు రామ్ సినిమా: కొత్త మూవీ విడుదలకు డేట్ ఫిక్స్
'ఇస్మార్ట్ శంకర్' వంటి భారీ విజయం తర్వాత ఎనర్జిటిక్ స్టార్ రామ్ నటించిన చిత్రం 'రెడ్'. కిశోర్ తిరుమల దర్శకత్వంలో తెరకెక్కిన ఈ సినిమాను సొంత బ్యానర్లో స్రవంతి రవికిషోర్ నిర్మించారు. ఇందులో హీరోయిన్లు మాళవిక, నివేదా పేతురాజ్, అమృత అయ్యర్లు నటించారు. అలాగే, రామ్ తన సుదీర్ఘమైన కెరీర్లో తొలిసారి ద్విపాత్రభినయం చేశాడు. మణిశర్మ మ్యూజిక్ అందించాడు. సంక్రాంతి కానుకగా జనవరి 14న ఈ సినిమా ప్రేక్షకుల ముందుకు వచ్చింది. తాజాగా ఈ మూవీ మరోసారి విడుదలకు సిద్ధం అయింది. అయితే, ఈ సారి తెలుగులో కాదు.. మలయాళంలో.
రామ్ నటించిన 'రెడ్' సినిమాను ఏడు భాషల్లో విడుదల చేస్తామని చిత్ర యూనిట్ గతంలోనే ప్రకటించిన విషయం తెలిసిందే. ఇందులో భాగంగానే తెలుగు వెర్షన్ను జనవరి 14న ప్రేక్షకులు ముందుకు తీసుకొచ్చారు. ఇప్పుడు మలయాళం వెర్షన్ను జనవరి 22న రిలీజ్ చేసేందుకు నిర్ణయించుకున్నట్లు తాజాగా ఓ న్యూస్ ఇండస్ట్రీ వర్గాల్లో చక్కర్లు కొడుతోంది. ఇప్పటికే దీనికి సంబంధించిన డబ్బింగ్ కార్యక్రమాలు, థియేటర్ల ఎంపిక తదితర పనులు పూర్తయ్యాయని అంటున్నారు. తాజా సమాచారం ప్రకారం.. ఈ సినిమా ఎక్కువ థియేటర్లలోనే విడుదల కానుందట.
క్రైమ్ థ్రిల్లర్గా ప్రేక్షకుల ముందుకు వచ్చిన 'రెడ్'కు మొదటి నుంచీ మిశ్రమస్పందన వచ్చింది. ఈ సినిమాలో రామ్ ద్విపాత్రాభినయం చేశాడు. కెరీర్లో మొదటిసారి అతడు రెండు విభిన్నమైన పాత్రల్లో నటించాడు. 'రెడ్' మూవీ చూసిన వారంతా హీరో యాక్టింగ్ గురించే మాట్లాడుతున్నారు. వన్ మ్యాన్ షోలా మార్చేశాడని అంటున్నారు. ఈ కారణంగానే సినిమా వసూళ్ల పరంగా అదరగొడుతోంది. దీంతో నాలుగు రోజుల్లో బ్రేక్ ఈవెన్ను సాధించి సంక్రాంతి క్లీన్ హిట్గా నిలిచింది.