హోమ్

లేటేస్ట్ న్యూస్

చాలాకాలంగా సరైన హిట్ పడక సైలెంట్ అయిన హీరో రామ్.. ఇటీవలే ఇస్మార్ట్ శంకర్ సినిమాతో తన కెరీర్ లోనే సూపర్ డూపర్ హిట్ సొంతం చేసుకున్నాడు. పూరి జగన్నాథ్ దర్శకత్వంలో రూపొందిన ఈ సినిమాలో రామ్ మాస్ పర్‌ఫార్‌మెన్స్ యువతకు పూనకం తెప్పించింది. దీంతో అదే స్టైల్‌లో 'రెడ్' అనే మరో డిఫెరెంట్ సినిమాకు కమిట్ అయ్యాడు ఈ ఎనర్జిటిక్ స్టార్. తమిళంలో హిట్ కొట్టిన 'తాడమ్' చిత్రానికి ఇది రీమేక్.

ఇటీవలే పూజా కార్యక్రమాలు నిర్వహించుకున్న ఈ సినిమా.. తాజాగా రెగ్యులర్ షూట్ మొదలుపెట్టుకుంది. ఇది లాంగ్ షెడ్యూల్ అని, ఇక నాన్ స్టాప్‌గా షూటింగ్ సాగుతుందని అంటున్నారు యూనిట్ సభ్యులు. ఈ షెడ్యూల్ లో రామ్‌పై మేజర్ సన్నివేశాల చిత్రీకరణ జరపనున్నారట. ఈ చిత్రంలో రామ్ రెండు డిఫెరెంట్ లుక్స్‌లో కనిపించనున్నాడు. ఇప్పటికే విడుదలైన రామ్ లుక్స్ ప్రేక్షకుల నుంచి భారీ రెస్పాన్స్ తెచ్చుకున్నాయి.

'రెడ్' సినిమాను తన హోం బ్యానర్ స్రవంతి మూవీస్‌ పతాకంపై రూపొందిస్తున్నాడు రామ్. కిశోర్‌ తిరుమల దర్శకత్వం వహించనున్నారు. ఇక ఈ చిత్రంలో రామ్‌ జోడిగా నివేదా పేతురాజ్‌, మాళవిక శర్మలను ఫైనల్‌ చేసినట్టుగా తెలుస్తోంది. మణిశర్మ సంగీతం అందించనున్నారు. ఇస్మార్ట్ శంకర్ తర్వాత వెండితెరపై రామ్ చెడుగుడు మరోసారి చూడాలని ఆతృతగా ఉన్నారు తెలుగు ప్రేక్షకులు. దీంతో ఈ సినిమాపై భారీ హైప్ నెలకొంది.