twitter
    For Quick Alerts
    ALLOW NOTIFICATIONS  
    For Daily Alerts

    ‘సలార్’ మూవీ నుంచి ఇంట్రెస్టింగ్ న్యూస్: ప్రభాస్‌తో సీనియర్ హీరోయిన్ మరోసారి

    |

    యంగ్ రెబెల్ స్టార్ ప్రభాస్ హీరోగా.. కన్నడ దర్శకుడు ప్రశాంత్ నీల్ రూపొందిస్తోన్న చిత్రం 'సలార్'. ఫుల్ లెంగ్త్ యాక్షన్ ఎంటర్‌టైనర్‌గా రాబోతున్న ఈ మూవీపై భారీ స్థాయిలో అంచనాలు ఉన్నాయి. అందుకు అనుగుణంగానే దీన్ని ఎంతో ప్రతిష్టాత్మకంగా రూపొందిస్తున్నారు. ఇలా షూటింగ్ మొదటి షెడ్యూల్‌ను విజయవంతంగా పూర్తి చేశారు. అంతలో కరోనా ప్రభావం భారీగా పెరగడంతో ఈ సినిమా చిత్రీకరణకు బ్రేక్ వేశారు. కోవిడ్ పరిస్థితులు చక్కబడిన తర్వాత షూటింగ్‌ను పున: ప్రారంభించబోతున్నారు. ఈ నేపథ్యంలో ఈ మూవీ నుంచి ఓ న్యూస్ బయటకొచ్చింది.

    'సలార్' మూవీని ప్రకటించినప్పటి నుంచే ఎన్నో వార్తలు వైరల్ అవుతున్నాయి. ఇందులో పలానా హీరోయిన్ నటిస్తుందని.. పలానా హీరో కీలక పాత్ర చేస్తున్నాడని జోరుగా ప్రచారం జరుగుతోంది. ఈ క్రమంలోనే ఇందులో సీనియర్ హీరోయిన్ రమ్యకృష్ణ అత్యంత ముఖ్యమైన పాత్రను పోషిస్తున్నట్లు తాజాగా ఓ న్యూస్ వైరల్ అవుతోంది. సినిమానే మలుపు తిప్పే పవర్‌ఫుల్‌ రోల్‌ను ఆమె కోసం రెడీ చేశాడట ప్రశాంత్ నీల్. ఇక, గతంలో రమ్యకృష్ణ 'బాహుబలి' సినిమాలో ప్రభాస్‌కు తల్లిగా నటించిన విషయం తెలిసిందే. అందులో ఆమె క్యారెక్టర్‌ ఏ రేంజ్‌లో పండిందో ప్రత్యేకంగా చెప్పనక్కర్లేదు.

    Ramya Krishnan to play Key role in Salaar Movie

    ఇదిలా ఉండగా.. 'సలార్'లో ప్రభాస్ ద్విపాత్రాభినయం చేస్తున్నట్లు ఇటీవల ఓ వార్త బయటకు వచ్చింది. అది కూడా తండ్రీ కొడుకుల పాత్రలు చేయబోతున్నాడని అన్నారు. దీంతో సినిమాపై అంచనాలు రెట్టింపు అయ్యాయి. ఎంతో ప్రతిష్టాత్మకంగా రాబోతున్న ఈ భారీ బడ్జెట్ చిత్రాన్ని హొంబళే ప్రొడక్షన్స్ బ్యానర్‌పై విజయ్ కిరగందుర్ నిర్మిస్తున్నారు. శృతి హాసన్ ఇందులో హీరోయిన్. శ్రీనిథి శెట్టి స్పెషల్ సాంగ్ చేయబోతున్నట్లు ప్రచారం జరుగతోంది. ఇక, ఈ సినిమాను 2022 ఏప్రిల్ 14న ప్రేక్షకుల ముందుకు తీసుకు వస్తున్నట్లు ఇది వరకే ప్రకటించారు.

    English summary
    Director Prashanth Neel gave everyone a pleasant surprise by releasing the first look poster of his next pan-India project Salaar, starring Prabhas in the lead role. Ever since the announcement poster came out, fans can't keep calm to know about the lead actress in the film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X