నా శీలాన్ని శంకించి..హోటల్ గదిలో పవిత్ర లోకేష్‌తో చేసిందేమిటి? వీకే నరేష్ కడిగిపారేసిన మూడో భార్య

వీకే నరేష్ డ్యాన్సులు, విజిల్స్

మైసూరులోని గదిలో ఉన్న నరేష్, పవిత్ర లోకేష్‌ మీడియా కెమెరాలకు చిక్కారు. రమ్య తన మద్దతు దారులతో కలిసి హోటల్‌లో హంగామా చేశారు. మీడియా కెమెరాల నుంచి పవిత్రా లోకేష్ తప్పించుకోవడానికి ప్రయత్నించారు. నరేష్ ఉత్సాహంగా కెమెరాల ముందు డ్యాన్స్ చేస్తూ.. విజిల్ వేస్తూ హల్‌చల్ చేశారు. ఈ సందర్భంగా నరేష్, పవిత్రా లోకేష్‌కు వ్యతిరేకంగా రమ్య మద్దతు దారులు నినాదాలు చేశారు.

మీ అమ్మాయికి అన్యాయం జరిగితే?

మైసూరులోని ఓ హోటల్‌లో పవిత్ర లోకేష్, నరేష్ ఒకే గదిలో రాత్రి ఉన్నారని సమచారం అందింది. అయితే రాత్రి పూట రచ్చ చేయడం ఇష్టం లేక నేను ఉదయం వరకు వేచి ఉన్నాను. మీడియాను వెంటపెట్టుకొని హోటల్‌కు వెళ్లాను. వారిద్దరూ ఒకే రూమ్‌లో ఉండటం మీడియాకు రెడ్ హ్యాండెడ్‌గా సాక్ష్యాలు లభించాయి. మీ ఇంట్లో ఆడపిల్లకు ఇలాంటి అన్యాయం జరిగితే ఊరుకొంటారా అని రమ్య అన్నారు.

నరేష్ నిజ స్వరూపం మీడియా ముందు

హోటల్ గదిలో వారిద్దరిని పట్టించడం, మీడియా ముందు వారిని నిలబెట్టడంతో నేను విజయం సాధించాను. నరేష్ నిజ స్వరూపం మీడియాకు చూపించాను. పరాయి ఆడదానితో హోటల్‌లో ఉన్నానని, తప్పు చేసిన భావన నరేష్‌లో కొంచెం కూడా కనిపించకపోవడం దారుణం. కింద పడినా గానీ.. మీసాలకు మట్టి అంటలేదుగా అనే కన్నడ సామెతను నరేష్ గుర్తు చేశాడు అని రమ్య చెప్పింది.

నా జీవితంతో నరేష్ ఆడుకొన్నాడు అంటూ

నా జీవితంతో వీకే నరేష్ ఆడుకొన్నాడు. నాపై అసత్య ప్రచారాలు చేస్తున్నారు. అలాంటి వీకే నరేష్‌ను ఎందుకు వదిలిపెట్టాలి. కర్ణాటక ప్రజలు నాతో ఉన్నారు. నా క్యారెక్టర్‌ను దారుణంగా నాశనం చేశాడు. నా బిడ్డ చేత కంటతడి పెట్టిస్తున్నాడు. అలాంటి వ్యక్తికి నేను ఎందుకు విడాకులు ఇవ్వాలి. విడాకులు ఇవ్వడం వల్ల నాపై పడిన మచ్చ పోతుందా? సొసైటీలో నాపై పడిన ముద్ర పోతుందా? మేమిద్దరం కలిసి మాట్లాడుకొంటే సమస్య పరిష్కారం అయ్యేది. కానీ నా క్యారెక్టర్ మీద చాలా అభండాలు వేశాడు అని రమ్య ఆవేదన వ్యక్తం చేసింది.

నా వ్యక్తిత్వంపై అసత్య ప్రచారాలు

చట్టాలకు వ్యతిరేకంగా భార్యకు విడాకులు ఇవ్వకుండా మరొకరితో సహజీవనం చేస్తున్నాడు. ఇద్దరు కలిసి హోటల్‌లో ఒకే గదిలో ఉన్నారు. నా వ్యక్తిత్వం, నా జీవితం, నాశీలం గురించి నీచంగా మాట్లాడటానికి వారెవరు? నా క్యారెక్టర్‌ను, నా ఫ్యామిలీ ప్రతిష్టను నాశనం చేసే ప్రయత్నం చేస్తున్నారు అని రమ్య రఘుపతి ఘాటుగా స్పందించారు.