సంక్రాంతికి కర్చీప్ వేసేశాడు.. రానా ‘అరణ్య’ రెడీ

టాలీవుడ్ హల్క్ రానా దగ్గుబాటి అరణ్య (హిందీలో హాథీ మేరీ సాథీ, తమిళ్‌లో కాదన్) గురించి అందరికీ తెలిసిందే. ఎంతో కష్టపడి, ఇష్టపడి చేసిన సినిమా ఇది. ఈ మూవీ కోసం రానా భారీగా వెయిట్ లాస్ అయ్యాడు. భల్లాలదేవుడు అరణ్య కోసం బక్కచిక్కిపోయాడు. ఆ సమయంలో రానాకు ఆరోగ్య సమస్యలు కూడా తలెత్తాయని టాక్ బయటకు వచ్చింది. అంత కష్టపడిన సినిమా వాయిదాలు పడుతూనే వచ్చింది.

మామూలుగా ఈ చిత్రం ఏప్రిల్‌లోనే రిలీజ్ కావాల్సింది. టీజర్‌తో అందరిలోనూ అంచనాలు పెంచేశారు. ఇక సినిమా విడుదలకు రంగం సిద్దమైంది కూడా. కానీ కరోనా విజృంభించడంతో మొత్తం తారుమారైంది. మధ్యలో ఓటీటీలో రిలీజ్ చేయాలనే ఆలోచనలు కూడా పెట్టుకున్నారని టాక్ వచ్చింది. కానీ మొత్తానికి ఆ నిర్ణయానికి దూరంగా.. థియేటర్‌లోనే ఈ చిత్రాన్ని విడుదల చేయాలని యూనిట్ భావించింది.

తాజాగా అరణ్యకు సంబంధించిన అప్డేట్ రానా ఇచ్చేశాడు. వచ్చే ఏడాది సంక్రాంతికి ఈ మూవీ థియేటర్లలో సందడి చేయనుందని, అడవుల గొప్పదనం మనకు ఇప్పటికైనా తెలిసింది.. జాగ్రత్తగా కాపాడుకుందాం. అడవుల గురించి అవగాహన కలిగించేందుకు అరణ్య వస్తోందని రానా తెలిపాడు. ఇక మొత్తానికి సంక్రాంతికి కర్చీప్ వేసుకున్న హీరోగా రానా ముందు వరుసలో ఉన్నాడు.