For Quick Alerts
    ALLOW NOTIFICATIONS  
    For Daily Alerts

    'విరాట‌ప‌ర్వం'లో రానా, సాయిపల్లవి రోల్స్ ఇవే..

    |

    యంగ్ అండ్ టాలెంటెడ్ హీరో దగ్గుబాటి రానా తన కొత్త సినిమా స్టార్ట్ అయింది. వేణు ఉడుగుల దర్శకత్వంలో రూపొందనున్న ఈ సినిమాలో రానాకు జోడీగా ఫిదా భామ సాయి పల్లవి నటించనుంది. ఈ సినిమాకు 'విరాట పర్వం' అనే ఆసక్తికర టైటిల్ కన్ఫర్మ్ చేశారు. ఇటీవలే హైదరాబాద్ లోని రామానాయుడు స్టూడియోలో ఈ సినిమా షూటింగ్ ప్రారంభోత్సవ కార్యక్రమం జరిగిన సంగతి తెలిసిందే.

    గతంలో 'నీది నాది ఒకే కథ' లాంటి డిఫెరెంట్ కథతో ప్రేక్షకుల ముందుకు వచ్చిన డైరెక్టర్ వేణు ఉడుగుల తన రెండో చిత్రంగా ఈ సినిమాను ప్రేక్షకుల ముందుకు తెస్తున్నారు. నిజానికి ఈ సినిమా ఎప్పుడో ప్రారంభం కావాల్సి ఉంది కానీ.. ఓ వైపు రానా ఇతర ప్రాజెక్టులతో బిజీగా ఉండటం, మరోవైపు సాయి పల్లవికి కమిట్‌మెంట్స్ ఎక్కువగా ఉండటం కారణంగా కాస్త డిలే అయి చివరకు ఇటీవలే పూజా కార్యక్రమాలు జరుపుకుంది.

    Rana Daggubati and Sai Pallavi Roles In VirataParvam

    కాగా తాజాగా వినిపిస్తున్న సమాచారం మేరకు ఈ సినిమాలో రానా, సాయి పల్లవి ఇంట్రెస్టింగ్ రోల్స్ చేస్తున్నారట. రానా నక్సలైట్ పాత్ర పోషించనుండగా, సాయి పల్లవి జర్నలిస్ట్‌గా నటించనుందని తెలుస్తోంది. వృత్తిలో భాగంగా రానాను ఇంట‌ర్వ్యూ చేయ‌డానికి వ‌చ్చిన సాయిప‌ల్ల‌వి.. అత‌నితో ప్రేమ‌లో పడుతుందని, ఆ తర్వాత కొన్ని మ‌లుపులు తిరిగి రానా జ‌న జీవ‌న స్ర‌వంతిలోకి రావడం జరుగుతుందని అంటున్నారు. దాదాపు రెండు దశాబ్దాల క్రిందటి పోటిటికల్ బ్యాక్ గ్రౌండ్‌లో ఈ సినిమా తెరకెక్కనుందని సమాచారం.

    'విరాటపర్వం' చిత్రానికి బడా ప్రొడ్యూసర్‌ సురేష్ బాబుతో పాటు సుధాకర్ చెరుకూరి సంయుక్త నిర్మాతలుగా వ్యవహరించనున్నారు. సురేష్ ప్రొడక్షన్స్, శ్రీ లక్ష్మి వెంకటేశ్వర సినిమాస్ బ్యానర్లపై ఈ సినిమా రూపొందనుంది. వచ్చేవారం నుంచి ఈ సినిమా రెగ్యులర్ షూటింగ్ మొదలు కానుందని తెలిసింది. రానా, సాయి పల్లవి మొదటిసారి జోడీ కడుతున్న ఈ చిత్రం ఇద్దరి కెరీర్‌‌లో ఓ మైలురాయిగా నిలిచిపోతుందని చిత్రయూనిట్ చెబుతోంది.

    English summary
    Rana Daggubati and Sai Pallavi will act as heroheroine in upcoming movie which is directed by Udugula Venu. As per latest talk in this movie Rana and Sai Pallavi roles are very intresting
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X