Don't Miss!
- News ఐటీ హబ్ శివార్లలో 647 ఎకరాల్లో ఇండస్ట్రియల్ పార్క్, సీఎం సంచలన నిర్ణయం?
- Lifestyle గుడ్ ఫ్రైడే 2024 ఎప్పుడు? క్రైస్తవులు గుడ్ ఫ్రైడే ఎందుకు జరుపుకుంటారు?మీకు తెలియని కొన్ని వాస్తవాలు
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘విరాట పర్వం’ వచ్చేది అప్పుడే.. అప్డేట్ ఇచ్చిన యూనిట్
సినిమా విడుదల కంటే ముందే.. నటీనటుల ఎంపికతోనే అందరినీ ఆశ్చర్యపరిచింది విరాటపర్వం యూనిట్. నీదీ నాదీ ఒకే కథ వంటి సహజ చిత్రాన్ని తీసిన దర్శకుడు వేణు ఊడుగుల.. విరాట పర్వం చిత్రాన్ని ప్రకటించడంతోనే అంచనాలు పెరిగాయి. ఇక అందులో ఒక్కొక్క పాత్రను పరిచయం చేస్తూ వదిలిన పోస్టర్లతో అంచనాలు ఆకాశన్నంటాయి. తాజాగా ఈ మూవీ నుంచి ఓ అప్డేట్ వచ్చింది.
మామూలుగా నేడు టాలీవుడ్లో అప్డేట్ల పండుగ నడుస్తోంది. దాదాపు సెట్స్ మీదున్న సినిమాలన్నీ కూడా రిలీజ్ డేట్లను ప్రకటిస్తూ ఆ తేదీలను బ్లాక్ చేసేసుకుంటున్నాయి. ఈక్రమంలో తాజాగా విరాట పర్వం కూడా ముందుకు కదిలింది. కామ్రేడ్ రవన్న విశ్వరూపం, తిరుగుబాటును చూపించే తేదీని తాజాగా ప్రకటించేసింది విరాట పర్వం యూనిట్. ఏప్రిల్ 30న థియేటర్లలో విరాట పర్వం సందడి చేయబోతోన్నట్టు ప్రకటించేశారు.
ఇక విరాట పర్వం సినిమాతో డైరెక్టర్ వేణు మరో హిట్ కొట్టేలా ఉన్నాడు. ఈ మూవీలో సాయి పల్లవి, ప్రియమణి, నందితా దాస్, నివేదా పేతురాజ్, ఈశ్వరీ రావ్ వంటి అద్భుతమైన నటీమణులెందరో ఉన్నారు. ఇప్పటికే విడుదల చేసిన ఫస్ట్ లుక్స్, మోషన్ పోస్టర్లు అందరినీ ఆకట్టుకున్నాయి. రానా ఇప్పటికే తన డబ్బింగ్ను కూడా పూర్తి చేసినట్టు తెలుస్తోంది. ఎస్.ఎల్.వి సినిమాస్ పతాకంపై సుధాకర్ చెరుకూరి ఈ సినిమాను నిర్మిస్తున్నారు. విరాటపర్వం సినిమాకు సురేష్ బొబ్బిలి సంగీతాన్ని అందిస్తున్నారు.