హోమ్

లేటేస్ట్ న్యూస్

మరోసారి హీరోయిన్ రష్మిక మందన్నతో ఓ ప్రయోగం చేస్తున్నాడు డైరెక్టర్ వెంకీ కుడుముల. గతంలో ఈ ఇద్దరూ కలిసి 'ఛలో' అంటూ పలకరించిన సంగతి తెలిసిందే. ఈ సినిమానే రష్మికకు టాలీవుడ్‌లో మొదటి సినిమా. ఆ తర్వాత క్రేజీ బ్యూటీగా పేరుతెచ్చుకున్న ఈ భామ మళ్ళీ ఇప్పుడు అదే వెంకీ కుడుముల దర్శకత్వంలో 'భీష్మ' సినిమా చేస్తోంది.

ఈ సినిమాలో నితిన్ హీరోగా నటిస్తుండగా, రష్మిక మందన్న హీరోయిన్‌గా నటిస్తోంది. శరవేగంగా షూటింగ్ చేస్తున్న చిత్రయూనిట్ ప్రస్తుతం ఇటలీలోని పాసిటానో ప్రాతంలో షూట్స్ చేస్తోంది. పాసిటానో ప్రాతంలోని అందమైన లొకేషన్స్‌లో నితిన్, రష్మికలపై పలు సన్నివేశాల చిత్రీకరణ జరుగుతోంది.

Love to you @iHrithik sir,,
From #Bheeshma team from Positano✨💕
Ps. Sorry for the no sync in music. 😋@actor_nithiin @VenkyKudumula pic.twitter.com/yn3DSGdPZN

— Rashmika Mandanna (@iamRashmika) December 26, 2019

అయితే తాజాగా ఈ ప్రాంతంలో నితిన్, రష్మికలు 'వార్' సినిమాలోని హృతిక్ రోషన్ సాంగ్ 'గుంగురో' కి డాన్స్ చేసి వావ్ అనిపించారు. ఈ వీడియోను సోషల్ మీడియాలో షేర్ చేసిన రష్మిక.. ''లవ్ యు హ్రితిక్'' అంటూ పోస్ట్ చేయడం విశేషం. ఇద్దరూ సూపర్‌గా డాన్స్ చేయడంతో ప్రస్తుతం ఈ వీడియో సోషల్ మీడియాలో తెగ వైరల్ అవుతోంది.

సితార ఎంటర్టైన్మెంట్స్ బ్యానర్‌పై 'భీష్మ' సినిమా తెరకెక్కుతోంది. ఇప్పటికే ఈ సినిమా నుంచి విడుదలైన పోస్టర్స్, ఫస్ట్ లుక్స్‌ మంచి స్పందన తెచ్చుకున్న సంగతి తెలిసిందే. సింగిల్ ఫ‌ర్ ఎవ‌ర్‌ అనే ట్యాగ్‌లైన్‌ తో తెరకెక్కుతున్న ఈ సినిమా ఇటు రష్మిక అభిమానులకు, అటు నితిన్ అభిమానులకు రొమాంటిక్ ట్రీట్ ఇవ్వనుందని అంటున్నారు. చిత్రానికి మహతి సాగర్ సంగీతం అందిస్తున్నారు.