పూజా హెగ్డేకు రష్మిక మందన్న సమస్య..? ఇదీ అసలు మ్యాటర్..

ప్రస్తుతం హీరోయిన్ పూజా హెగ్డే టైమ్ నడుస్తోంది. సినిమాల పరంగా టాలీవుడ్, బాలీవుడ్ తెరలపై వరుస హిట్స్ పట్టేస్తున్న ఈ భామ మంచి జోష్‌లో ఉంది. వరుస పెట్టి టాప్ హీరోల సరసన అవకాశాలు రావడం ఈ అమ్మడికి బాగా ప్లస్ అయింది. ఇక రానున్న రోజుల్లో పూజా హెగ్డే సినిమాల వరద పారుతుందని అనుకున్నారంతా. అయితే ఈ లోగా రష్మిక మందన్న రూపంలో ఈమెకు సమస్య వస్తోందని సోషల్ మీడియాలో కథనాలు స్టార్ట్ అయ్యాయి. ఇంతకీ ఆ కథనాల్లో మ్యాటర్ ఏంటి? చూద్దామా..

పూజా హెగ్డే, రష్మిక మందన్న ఇద్దరూ కూడా కన్నడ భామలే. ఇద్దరికీ టాలీవుడ్ చిత్ర పరిశ్రమ బాగా కలిసొచ్చింది. ఇద్దరికీ వరుస అవకాశాలు, పైగా టాప్ హీరోలతో నటించే ఛాన్స్.. ఇవన్నీ సిమిలారిటీస్. ఈ నేపథ్యంలో ఈ ఇద్దరు భామల నడుమ గట్టి పోటీ నెలకొందనేది కొందరు చెబుతున్న మాట. ఇక నుంచి రష్మిక మందన్న గ్లామర్ రోల్స్ కూడా చేస్తానని చెబుతోంది కాబట్టి దర్శకనిర్మాతల చూపు ఆమె పైనే పడుతోందని, ఆ ఎఫెక్ట్ డైరెక్ట్‌గా పూజా హెగ్డే పైనే పడుతోందని అంటున్నారు. ముఖ్యంగా ఫ్యూచర్‌లో పూజా హెగ్డే సినిమా అవకాశాలను రష్మిక మందన్న తన్నుకుపోతుందని విశ్లేషిస్తున్నారు. అయితే ఎవ్వరు, ఎన్ని చెప్పినా ప్రతీ వ్యక్తిలో ఓ స్పెషల్ టాలెంట్ ఉంటుందని.. అదే వారిని ముందుకు తీసుకెళ్తుందని.. కాబట్టి ఎంత పోటీ నెలకొన్నా రష్మిక, పూజా హెగ్డే ఇద్దరు కూడా అవకాశాలు అందుకోవడంలో ముందుంటారని అంటున్నారు ప్రేక్షకులు.

ఇక పూజా హెగ్డే, రష్మిక సినిమాలంటారా.. ఇటీవలే మహేష్ బాబుతో మహర్షి చేసిన పూజా హెగ్డే ప్రస్తుతం ప్రభాస్ సరసన ఓ సినిమా, అల్లు అర్జున్ సరసన మరో సినిమాలో నటిస్తోంది. మరోవైపు రష్మిక మందన్న మహేష్ బాబుతో సరిలేరు నీకెవ్వరు, నితిన్ తో ఓ సినిమా, తమిళంలో మరో సినిమా చేస్తోంది.