రొమాంటిక్‌గా ఉండాలి.. వయసుతో పనేంటి? రష్మిక మందన్న షాకింగ్ కామెంట్స్

యాక్టర్ రక్షిత్‌తో నిశ్చితార్థం.. హాట్ టాపిక్

యాక్టర్ రక్షిత్‌ శెట్టి, రష్మిక మందన్నల నిశ్చితార్థం 2017 సమ్వత్సరంలో జరిగిన సంగతి తెలిసిందే. అయితే ఆ తర్వాత కొన్ని కారణాల వల్ల ఆ నిశ్చితార్థం కాన్సిల్ అయింది. దీంతో రష్మిక పెళ్లి టాపిక్ అనేది సినీ లోకంలో హాట్ టాపిక్ గా మారింది. రష్మిక ఎక్కడికెళ్లినా పెళ్లి విషయం టచ్ చేయకుండా ఉండటం లేదు మీడియా ప్రతినిధులు.

డియర్ కామ్రేడ్ ప్రమోషన్స్‌లో ఉండగా

ప్రస్తుతం తన కొత్త సినిమా డియర్ కామ్రేడ్ ప్రమోషన్ కార్యాక్రమాల్లో బిజీగా ఉంది రష్మిక మందన్న. ఈ మేరకు ఓ కార్యక్రమంలో పాల్గొనగా మరోసారి ఆమెకు పెళ్లి ప్రశ్న ఎదురైంది. మీకు కాబోయే కాబోయే భర్తకు ఎలాంటి లక్షణాలు ఉండాలని మీరు భావిస్తున్నారంటూ మీడియా ప్రతినిధి ఆమెను ప్రశ్నించాడు. దీనిపై స్పందించిన రష్మిక ఆసక్తికర సమాధానం చెప్పింది.

వయసుతో పనేంటి?

తనకు కాబోయే వాడు నిజాయితీగా ఉండాలని, అతడి ప్రవర్తన తనకు నచ్చాలని పేర్కొంది రష్మిక. అన్నింటికన్నా మించి అతడికి మంచి మనసు ఉండాలని చెప్పింది. అతనితో ఉండే సమయం అలా జాలీగా గడిచిపోయినట్లు అనిపించాలని, తన దృష్టిలో రొమాంటిక్‌గా ఉండేందుకు వయసుతో పనిలేదని రష్మిక చెప్పుకొచ్చింది.

డియర్ కామ్రేడ్ మూవీ

భరత్ కమ్మ దర్శకత్వంలో తెరకెక్కుతున్న డియర్ కామ్రేడ్ మూవీలో విజయ్ దేవరకొండ, రష్మిక మందన్న జంటగా నటిస్తున్నారు. క్రేజీ జోడీగా ఈ జోడీ పేరుండటం కారణంగా సినిమాపై భారీ హైప్ నెలకొంది. దీనికి తోడు ఇప్పటికే విడుదలైన టీజర్, ట్రైలర్ సినిమాపై ఓ రేంజ్ అంచనాలు క్రియేట్ చేశాయి. జులై 26 న ఈ సినిమా ప్రేక్షకుల ముందుకు రానుంది.