రవితేజ కమ్ బ్యాక్.. కేక పుట్టిస్తోన్న టీజర్

మ్యానరిజంతో అదరగొట్టిన రవితేజ..

టీజర్ ఆరంభంలో షర్టు పైన వేసుకున్న కోట్ తీసి అవతల పారేసి.. స్టైల్‌గా సిగరెట్ తాగుతూ.. మందు గ్లాసును మరింత స్టైల్‌గా తిప్పుతూ..‘అ యామ్ డన్ విత్ ది ఫ** క్రాప్' అంటూ రవితేజ తన స్టైల్లో చెప్పి ఆసక్తిని రేకెత్తించాడు. ఆపై కొన్ని యాక్షన్ సీన్స్.. ‘మెడిసిన్ ఈజ్ ఛేంజింగ్ ది వెరీ నేచర్ ఆఫ్ నేచర్'బ్యాక్ గ్రౌండ్‌లో వాయిస్ అదిరిపోయింది.

మెడికల్ స్కామ్..

మరో సీన్లో ‘మనం ఈ ప్రాజెక్ట్ చెయ్యకూడదని ఇండియన్ కౌన్సిల్ ఆఫ్ మెడికల్ రీసెర్చ్ ఆల్రెడీ మనకి వార్నింగ్ ఇచ్చింది' అంటూ తన బాస్ తో చెప్పడం చూస్తే ఏదో చేయకూడని పనినే చేస్తోన్నట్లు తెలుస్తోంది. ‘వీడైతే నో రికార్డ్స్.. నో రిపోర్ట్స్.. నో రిలేటివ్స్.. జీరో రిస్క్.. వుయ్ ఆర్ గోయింగ్ టు బీ గాడ్స్' అంటూ మరో డైలాగ్‌తో ఈ ఉచ్చులో రవితేజ చిక్కుక్కున్నట్లు తెలుస్తోంది.

అదే కథా..?

మెడికల్ రీసెర్చ్ చుట్టూ తిరిగే కథ అని టీజర్ చూస్తేనే అర్థమవుతోంది. వీళ్ల చేసే పనికి మెడికల్ అసోసియేషన్ అనుమతి ఉండకపోవడం.. ఇలాంటి రీసెర్చ్ కోసం ఏకంగా హీరోనే ఎంచుకోవడం చూస్తుంటే.. సైంటిస్ట్‌ల పని పట్టడానికే రవితేజ రంగంలోకి దిగినట్టు తెలుస్తోంది.

ఆకట్టుకున్న యాటిట్యూడ్..

టీజర్ ఎండింగ్‌లో రవితేజ సూటు బూటు వేసుకుని అద్దాలు పెట్టుకుని పాట పాడుతూ ఎంజాయ్ చేయడం.. చుట్టూ గన్నులతో రౌండప్ చేసిన గూండాలు ఉండటం.. స్టైలీష్‌గా అవి వారికే గురి పెట్టేలా చేయడం.. చూస్తూంటే రవితేజ కమ్ బ్యాక్ అనిపించేలా ఉందనిపిస్తోంది.