Click it and Unblock the Notifications
రవితేజతో క్రాక్.. అధికారికంగా ప్రకటించారు
మాస్ మాహారాజా రవితేజ హీరోగా కమర్షియల్ డైరెక్టర్ గోపీచంద్ మలినేని కాంబినేషన్లో హ్యాట్రిక్ మూవీగా కొత్త సినిమా రాబోతున్న సంగతి తెలిసిందే. రవితేజ కెరీర్లో ఇది 66వ సినిమాగా రూపుదిద్దుకోనుంది. తాజాగా ఈ సినిమాకు క్రేజీ టైటిల్ ఫిక్స్ చేస్తూ అధికారికంగా ప్రకటించారు యూనిట్ సభ్యులు.
'క్రాక్' అనే క్యాచీ టైటిల్ ఫిక్స్ చేసి కొత్త పోస్టర్ విడుదల చేశారు. ఈ పోస్టర్ చూస్తుంటే గతంలో రవితేజతో డాన్ శీను, బలుపు లాంటి సూపర్ హిట్ సినిమాలను తెరకెక్కించిన గోపీచంద్ మలినేని మరో హిట్ సినిమా లైన్ లో పెట్టారని తెలుస్తోంది. ఈ రోజే (నవంబర్ 14) ఈ సినిమా అధికారికంగా ప్రారంభం కానుంది. నిజ జీవిత సంఘటనల ఆధారంగా రానున్న ఈ సినిమాని 2020 సమ్మర్లో విడుదల చేయాలని చిత్ర యూనిట్ భావిస్తోంది.
ఇక ఈ డిఫెరెంట్ మూవీలో రవితేజ సరసన శృతి హాసన్ని హీరోయిన్గా తీసుకున్నారు. వరలక్ష్మీ శరత్ కుమార్ కూడా కీలక పాత్రలో నటించనుంది. చిత్రంలో రవితేజ పవర్ఫుల్ పోలీస్ ఆఫీసర్గా నటించనున్నాడు. సరస్వతి ఫిలిం డివిజన్ బ్యానర్లో బీ మధు నిర్మిస్తున్న ఈ సినిమాకు మ్యూజిక్ డైరెక్టర్ తమన్ సంగీతం అందిస్తున్నారు.
'క్రాక్' చిత్రానికి సంబంధించిన ఇతర వివరాలు త్వరలోనే ప్రకటించనున్నారు మేకర్స్. ఇక ప్రస్తుతం వీఐ ఆనంద్ దర్శకత్వంలో రూపొందుతోన్న 'డిస్కో రాజా' సినిమాతో బిజీగా ఉన్నాడు రవితేజ. డిసెంబర్ నెలలో ఈ సినిమా విడుదల కానుంది.
Continue with Google