Don't Miss!
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- News సికింద్రాబాద్ రైల్వేస్టేషన్ కు వెళ్లేవారికి గుడ్ న్యూస్
- Automobiles కారులో ఎక్కువ సౌండ్తో మ్యూజిక్ వింటూ వెళ్తున్నారా.. మీ కారు ప్రమాదానికి గురయ్యే అవకాశం ఎక్కువ.. ఎందుకంటే??
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
వినాయక చవితి కానుక: రవితేజ నుంచి ఊహించని సర్ఫ్రైజ్
స్వయంకృషితో తెలుగు సినీ ఇండస్ట్రీకి వచ్చాడు మాస్ మహారాజా రవితేజ. కెరీర్ ఆరంభంలో క్యారెక్టర్ ఆర్టిస్టుగా ఎన్నో సినిమాలు చేసి.. ఆ తర్వాత హీరోగా నిలదొక్కుకున్నాడు. ఈ క్రమంలోనే హిట్ చిత్రాలతో స్టార్ హీరోగా ఎదిగిపోయాడు. ఐదు పదుల వయసులోనే ఎంతో ఎనర్జీతో కనిపిస్తూ.. కుర్ర హీరోలకు పోటీగా నిలుస్తున్నాడు. ఏడాదికి రెండు సినిమాలైనా చేసే రవితేజ.. ఈ మధ్య కొంచెం స్పీడు తగ్గించాడు. ప్రస్తుతం అతడు ఒకే ఒక్క సినిమాను చేస్తున్నాడు. అదే 'డిస్కోరాజా'.
రవితేజ ప్రస్తుతం 'ఎక్కడికి పోతావు చిన్నవాడా' ఫేమ్ వీఐ ఆనంద్ దర్శకత్వంలో 'డిస్కోరాజా' అనే సినిమా చేస్తున్నాడు. కొద్దిరోజులుగా ఈ సినిమా షూటింగ్ జరుపుకుంటోంది. ఎస్ఆర్టీ ఎంటర్టైన్మెంట్స్ నిర్మిస్తున్న ఈ సినిమాలో రవితేజ సరసన పాయల్ రాజ్ పుత్, నభ నటేష్ హీరోయిన్లుగా నటిస్తున్నారు. ఈ చిత్రానికి ఎస్ఎస్ తమన్ స్వరకర్త. వెన్నెల కిషోర్, సునీల్ ప్రధాన పాత్రలో నటించనున్న ఈ సినిమా సైన్స్ ఫిక్షన్ బ్యాగ్ డ్రాప్తో రానుంది. దీంతో ఈ సినిమాపై రవితేజ అభిమానులతో పాటు సినీ ప్రేక్షకులపై ఎన్నో అంచనాలు ఉన్నాయి.
Get ready for DISCO🕺🏻#DiscoRaja 🦋#DiscoRajaFirstLook@Dir_Vi_Anand @itsRamTalluri @SRTmovies pic.twitter.com/72g5OhW7cv
— Ravi Teja (@RaviTeja_offl) September 2, 2019
ఇటీవల 'డిస్కోరాజా' సినిమా ప్రీ లుక్ విడుదలైంది. దీనికి మంచి స్పందన వచ్చింది. ఇక, తాజాగా ఈ సినిమా ఫస్ట్ లుక్ రిలీజ్ అయింది. వినాయక చవితి సందర్భంగా చిత్ర యూనిట్ డిస్కోరాజా ఫస్ట్ లుక్ విడుదల చేసింది. ఇందులో ఇందులో ఓ చేతిలో గన్, మరో చేతిలో సిగరెట్ పట్టుకుని డాన్ పోజ్ ఇస్తున్నాడు మాస్ మహారాజా రవితేజ. అంతేకాదు, అతడు కూర్చున్న కుర్చీలో ఓ ల్యాండ్ లైన్ ఫోన్ కూడా ఉంది. ఇవన్నీ గోల్డ్ కలర్లో ఉన్నాయి. దీంతో ఈ లుక్ సస్పెన్స్ను రేకెత్తిస్తోంది.
ఈ లుక్ను షేర్ చేసిన రవితేజ తన ట్విట్టర్లో 'డిస్కో కోసం రెడీగా ఉండండి' అని క్యాప్షన్ కూడా ఇచ్చాడు. దీన్ని ఇప్పటికే వెన్నెల కిశోర్, గోపీచంద్ మలినేని సహా ఎందరో సినీ ప్రముఖులు షేర్ చేశారు. దీంతో ఈ పిక్ సోషల్ మీడియాలో వైరల్ అవుతోంది.