హోమ్

లేటేస్ట్ న్యూస్

పరాజయాలు పలకరిస్తున్నా వరుసగా సినిమాలు చేస్తూ దూసుకుపోతున్నాడు మాస్ మహారాజా రవితేజ. ఇప్పటికే గోపీచంద్ మలినేని తెరకెక్కిస్తోన్న 'క్రాక్'లో నటిస్తున్న ఆయన.. ఈ సినిమా షూటింగ్ పూర్తి చేసుకున్నారు. ఆ వెంటనే రమేష్ వర్మ దర్శకత్వం వహిస్తోన్న 'ఖిలాడీ' కోసం సిద్ధం అయ్యారు. ఇటీవలే సెట్స్ మీద దిగిన ఓ సెల్ఫీని సోషల్ మీడియాలో షేర్ చేశారు. దానికి 'ఇన్ యాక్షన్ మోడ్' అంటూ క్రేజీ క్యాప్షన్ పెట్టడంతో ఈ ఫోటో సోషల్ మీడియాలో తెగ వైరల్ అయింది. ఈ నేపథ్యంలో ఈ సినిమా నుంచి నూతన సంవత్సరం కానుకగా స్పెషల్ పోస్టర్ రిలీజ్ అయింది.

'ఖిలాడీ' సర్‌ప్రైజ్ కోసం 2021 జనవరి 1వ తేదీ ఉదయం 9 గంటలకు సిద్ధంగా ఉండండని తెలుపుతూ గురువారం ఓ పోస్టర్ రిలీజ్ చేసింది చిత్ర యూనిట్. అందుకు అనుగుణంగానే తాజాగా సినిమాకు సంబంధించిన స్పెషల్ పోస్టర్ విడుదల చేశారు. ఇందులో రెండు గెటప్‌లలో కనిపిస్తున్నాడు మాస్ మహారాజా రవితేజ. ఒక గెటప్‌లో అమాయకంగా.. మరో గెటప్‌లో కన్నింగ్‌గా కనిపిస్తున్నాడాయన. దీంతో ఈ సినిమా ఆసక్తికరంగా ఉంటుందనిపిస్తోంది. దీనిని విడుదల చేసిన రవితేజ 'మిమ్మల్ని ఎంటర్‌టైన్ చేయడానికి సమ్మర్‌లో వస్తున్నాం' అని ప్రకటించాడు.

We are coming to entertain you this summer... Happy New Year! 😎 #Khiladi pic.twitter.com/JcL0jdA7wz

— Ravi Teja (@RaviTeja_offl) January 1, 2021

ఎంతో ప్రతిష్టాత్మకంగా రాబోతున్న ఈ సినిమాలో మీనాక్షి చౌదరి, డింపుల్‌ హయతి హీరోయిన్లుగా నటిస్తున్నారు. డా.జయంతిలాల్‌ గడ సమర్పణలో ఏ స్టూడియోస్‌, పెన్‌ స్టూడియోస్‌ పతాకాలపై సత్యనారాయణ కోనేరు ఈ చిత్రాన్ని నిర్మిస్తున్నారు. రాక్‌స్టార్‌ దేవి శ్రీ ప్రసాద్‌ సంగీతం అందిస్తున్నారు. ఇధిలా ఉండగా, రవితేజ నటించిన మరో చిత్రం 'క్రాక్' సంక్రాంతి కానుకగా విడుదల కాబోతుంది. ఇప్పటికే చిత్రంలోని పలు పాటలు విడుదల అయ్యాయి. వాటన్నింటికీ భారీ స్థాయిలో రెస్పాన్స్ వచ్చింది.