Don't Miss!
- News రేవంత్ నన్ను జైల్లో వేస్తాడట..: కాంగ్రెస్ సర్కారుపై కేసీఆర్ నిప్పులు
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘క్రాక్’ సెన్సార్ పూర్తి: రవితేజ సినిమాకు ఏ సర్టిఫికెట్ ఇచ్చారో తెలుసా?
టాలెంటెడ్ డైరెక్టర్ గోపీచంద్ మలినేని - మాస్ మహారాజా రవితేజ కాంబినేషన్లో వస్తున్న చిత్రం 'క్రాక్'. 'డాన్ శ్రీను', 'బలుపు' వంటి హిట్ల తర్వాత వీళ్లిద్దరి కలయికలో వస్తున్న సినిమా ఇది. ఇటీవలే షూటింగ్ కంప్లీట్ చేసుకున్న ఈ మూవీ సంక్రాంతి కానుకగా విడుదల కాబోతుంది. ఈ నేపథ్యంలో చిత్ర యూనిట్ ఇప్పటికే ప్రమోషన్ కార్యక్రమాలను మొదలు పెట్టేసింది. ఇందులో భాగంగానే ఇప్పటికే సినిమాలోని కొన్ని పాటలను విడుదల చేసింది చిత్ర యూనిట్. ఇక, నూతన సంవత్సర కానుకగా జనవరి 1వ తేదీన 'క్రాక్' ట్రైలర్ను విడుదల చేశారు.
పూర్తి మాస్ యాక్షన్ ఎంటర్టైనర్గా సాగిన ఈ ట్రైలర్కు ప్రేక్షకుల నుంచి భారీ స్థాయిలో రెస్పాన్స్ వచ్చింది. ఫలితంగా దాదాపు పది మిలియన్ల పైచిలుకు వ్యూస్ వచ్చాయి. అలాగే, లైకులు కూడా భారీగానే అందుకుందీ ట్రైలర్. రవితేజ కెరీర్లోనే బెస్ట్ ట్రైలర్గా నిలిచిందిది. తద్వారా యూట్యూబ్లో ఎన్నో రికార్డులు బద్దలైపోయాయి. ఈ నేపథ్యంలోనే తాజాగా 'క్రాక్' మూవీ సెన్సార్ పూర్తయింది. ఈ విషయాన్ని సోషల్ మీడియా ద్వారా చిత్ర యూనిట్ అధికారికంగా వెల్లడించింది. మాస్, రొమాంటిక్ ఎలిమెంట్లతో సాగే ఈ సినిమాకు సెన్సార్ బోర్డ్ నుంచి U/A సర్టిఫికెట్ వచ్చింది.
ఎంతో ప్రతిష్టాత్మకంగా తెరకెక్కిన ఈ సినిమాలో రవితేజ పవర్ఫుల్ పోలీస్ ఆఫీసర్గా కనిపించనున్నాడు. సరస్వతి ఫిలిమ్స్ డివిజన్ బ్యానర్పై ఠాగూర్ మధు నిర్మిస్తున్న ఈ సినిమాలో శృతి హాసన్ హీరోయిన్గా నటిస్తోంది. అలాగే, కోలీవుడ్ హీరోయిన్ వరలక్ష్మీ శరత్ కుమార్ లేడీ విలన్గా కనిపించనుంది. ఆమెతో పాటు సముద్రఖని, రవి శంకర్ కూడా నెగెటివ్ రోల్స్ చేస్తున్నారు. ఇక, ఈ సినిమాను సంక్రాంతి కానుకగా జనవరి 9వ తేదీన ప్రపంచ వ్యాప్తంగా విడుదల చేయబోతున్నారు.