Don't Miss!
- Sports T20 World Cup: ఆ కుర్రాడికి టికెట్ కన్ఫార్మ్- సెహ్వాగ్
- Finance Railway News: రైలు ప్రయాణికులకు శుభవార్త..! టికెట్ క్యాన్సిలేషన్ ఛార్జీలు తగ్గింపు..
- Lifestyle వేసవిలో కడుపులో చల్లగా ఉంచే కీరకాయ పెరుగుపచ్చడి-అన్నం, రోటీ లేదా చపాతీ దేనికైనా...
- News Ys Jagan Attack case: జగన్ పై రాయి దాడి కేసులో మరో కీలక పరిణామం..!
- Travel ఏపీలోని రైలు ప్రయాణికులకు శుభవార్త..వేసవి ప్రత్యేక రైళ్లు ఆగే స్టేషన్లివే..!
- Technology మే 7 న Apple 'Let Loose' ఈవెంట్! ఏ యే గాడ్జెట్లు లాంచ్ కాబోతున్నాయి? వివరాలు
- Automobiles 'కావ్య మారన్' ఖరీదైన కార్లు ఇవే! ఇక్కడ చూడండి
మంత్రి కేటీఆర్ తో నటుడు సోనూసూద్ భేటీ.. ఆ దర్శకులతో కలిసి స్పెషల్ లంచ్!
గత ఏడాది దేశంలో కరోనా ఎంటర్ అయినప్పటి నుంచి రియల్ హీరోగా గుర్తింపు తెచ్చుకున్న ప్రముఖ నటుడు సోనూ సూద్ ఈ రోజు ఐటి మరియు పరిశ్రమల శాఖ మంత్రి కేటీఆర్ ను కలవడం ఆసక్తికరంగా మారింది. తెలంగాణ ముఖ్యమంత్రి కేసీఆర్ అధికారిక నివాసమైన ప్రగతి భవన్ కి వెళ్ళిన సోనూసూద్ మంత్రి కేటీఆర్ తో భేటీ అయ్యారు. ఈ భేటీలో సోనూ సూద్ నిర్వహిస్తున్న సేవా కార్యక్రమాల గురించి మాట్లాడిన కేటిఆర్ ఈ విషయం మీద సోను సూద్ ను అభినందించారు.
దేశ వ్యాప్తంగా నలుమూలల నుంచి విజ్ఞప్తులను ఎప్పటికప్పుడు తెలుసుకుంటూ అవసరమైన వాటికి స్పందిస్తూ సోనూసూద్ చేస్తున్న సేవ గురించి మంత్రి కేటీఆర్ కొన్ని వివరాలు అడిగి తెలుసుకున్నారు. ఈ క్రమంలో సోనూ సూద్ తాను చేస్తున్న సేవా కార్యక్రమాలకు సంబంధించిన కొన్ని వివరాలు సేవా రంగంలో తన ఫ్యూచర్ ప్లాన్స్ ని మంత్రి కేటీఆర్ తో పంచుకున్నారు. ఇక తల్లి స్ఫూర్తితో ఈ సేవా కార్యక్రమాలు చేస్తున్నానని పేర్కొన్న సోనూసూద్ హైదరాబాద్ తో తనకున్న అనుబంధం గురించి ఇక్కడి వారి పట్ల తనకు ఉన్న ప్రేమ గురించి కూడా పంచుకున్నారు.
Sonu Sood met IT Minster KTR#sonusood #KTR #Vamsipaidipally #meharramesh pic.twitter.com/hqJd2g2bI5
— TeluguFilmibeat (@TeluguFilmibeat) July 6, 2021
ఒక రాజకీయ నాయకుడిగా తెలంగాణకు ప్రపంచ స్థాయి కంపెనీలు తీసుకురావడంలో కీలక పాత్ర పోషిస్తూనే మిగతా నాయకులకంటే భిన్నంగా ఉంటూ కష్ట సమయాల్లో వివిధ మాధ్యమాల ద్వారా ప్రజలకు అందుబాటులో ఉండే కేటీఆర్ అంటే తనకు చాలా అభిమానమని సోనూసూద్ పేర్కొన్నారు.
ఆపద సమయాల్లో సాయం కోరిన వారిని ఆదుకుంటున్న కేటీఆర్ అంటే తనకు గౌరవం ఎక్కువని ఆయన చెప్పుకొచ్చారు. ఇక ఈ భేటీ అనంతరం మంత్రి కేటీఆర్ సోనూసూద్ కి లంచ్ ఏర్పాటు చేశారు. లంచ్ పూర్తి అయిన తర్వాత కేటీఆర్ సోనూసూద్ ని అభినందిస్తూ ఒక శాలువాతో సత్కరించి ఒక జ్ఞాపికను కూడా అందజేశారు. ఈ భేటీలో దర్శకులు మెహర్ రమేష్, వంశీ పైడిపల్లి కూడా పాల్గొన్నారు.