ఆ రాత్రి కారు టైర్ పంక్చర్.. గ్రామస్థుల వద్దకు వెళ్ళగానే! ఒక్కమాటలో చెప్పేసిన రేణు దేశాయ్

రేణు దేశాయ్‌ కోరిక.. షూటింగ్ అయ్యాక కారులో!

రేణు దేశాయ్‌కి ఎప్పటి నుంచో ఓ కోరిక ఉండిపోయిందట. అది ఇలా, ఇప్పుడు తీరందంటూ ఆ విశేషాలను సోషల్ మీడియా వేదికగా అందరితో పంచుకుంది రేణు. తాను రూపొందిస్తున్న ఫిల్మ్ షూటింగ్ హైదరాబాద్‌కి దూరంగా చేస్తోందట. అయితే ఆ షూటింగ్ అయిపోయిన తర్వాత హైదరాబాద్‌కి కారులో బయల్దేరిన ఆమె ఓ గ్రామంలో ఆగిందట.

కారు టైర్ పంక్చర్.. వెంటనే కారు దిగి

కారులో ప్రయాణిస్తుండగా హైదరాబాద్ సమీపిస్తుండగానే తన ప్రొడక్షన్ డిజైనర్‌తో తనకు అప్పుడే హైదరాబాద్ వెళ్లిపోవాలని లేదని చెప్పిందట రేణు. ఆమె అలా అందో లేదో అప్పుడే కారు టైర్ పంక్చర్ అయిందట. దీంతో వెంటనే కారు దిగిన ఆమె తెగ సంబరపడి వెంటనే ఆ రాత్రివేళ అక్కడి గ్రామస్థులను కలిసిందట.

తినడానికే తిండి లేదు కానీ..

అయితే ఆ గ్రామస్థులు ఆమెను రిసీవ్ చేసుకున్న తీరు తనకి బాగా నచ్చేసిందని పేర్కొంటూ సోషల్ మీడియాలో పోస్ట్ పెట్టింది రేణు దేశాయ్‌. ఆ గ్రామస్థులకు తినడానికే సరిపడా తిండి లేదు. అయినప్పటికీ వాళ్లు తనకు ఉప్మా, టీ పెట్టారు. రేణు కోసం చలిమంట వేశారు. ఆ రాత్రి ఆ పేద కుటుంబాలతో కలిసి హాయిగా నిద్రపోయిన రేణు దేశాయ్ ఆ ఫోటోలను కూడా పంచుకుంది.

ఎంత డబ్బున్నా ఏం లాభం? చాలా నేర్చుకోవాలి

ఈ మేరకు ఆ రోజు అనుభవాలను పంచుకుంటూ.. "మన దగ్గర ఎంత డబ్బున్నా ఏం లాభం? దాన్ని దానం చెయ్యడానికి ఒకటికి రెండుసార్లు ఆలోచిస్తాం. కానీ వాళ్లు తమ దగ్గర ఏమీ లేకపోయినా నాకు ఎన్నో ఇచ్చారు. అలాంటి వాళ్ళ దగ్గరనుంచి మనం నేర్చుకోవాల్సింది చాలా ఉంది" అంటూ ఆ పేద కుటుంబాల గొప్పదనాన్ని చెప్పింది రేణుదేశాయ్.

రెండో పెళ్లికి సిద్ధం.. రేణు స్వయంగా!

మరోవైపు పవన్ భార్యగా పిలిపించుకోవడం తనకు ఇష్టం లేదని, తాను రెండో పెళ్లికి సిద్దమయ్యానని చాలా రోజుల క్రితమే రేణు స్వయంగా ప్రకటించింది. ఇది జరిగి ఏడాది గడిచినా ఆమె పెళ్లి సంగతి మాత్రం బయటకు రాలేదు. దీంతో ఇక రేణుదేశాయ్ పెళ్లి చేసుకోదు అనే వార్తలు పుట్టుకొస్తున్నాయి.