‘Murder’ కుటుంబ కథా చిత్రమ్.. అమృత-ప్రణయ్‌లపై సినిమా.. మరో సంచలనానికి తెరదీసిన వర్మ!!

Recommended Video

Amrutha Pranay's Movie మర్డర్ by RGV | ఆత్మహత్య చేసుకోవాలనిపించింది అంటున్న Amrutha

పరువు హత్య..

అమృత ప్రణయ్‌ల ప్రేమను ఒప్పుకోకపోవడం, తండ్రిని ఎదురించి పెళ్లి అమృత పెళ్లి చేసుకోవడం, ఆఖరికి ప్రణయ్‌ను సుపారీ ఇచ్చి చంపిచడం అన్నీ కూడా అందర్నీ నివ్వెరబోయేలా చేశాయి. అత్యంత కిరాతకంగా ప్రణయ్‌ను చంపిన దృశ్యాలు మీడియాలో వైరల్ అయ్యాయి.

తనువు చాలించిన మారుతీరావు..

ప్రణయ్ హత్య ఘటనలో మారుతీ రావును కూడా ఓ వర్గం సమర్ధించింది. బాధ్యతలను విస్మరించి ప్రేమ, పెళ్లి అని తిరగడం ఏంటని అమృతను టార్గెట్ చేసిన వారు కూడా ఉన్నారు. చివరకు కొన్ని నెలలు జైల్లో గడిపిన మారుతీరావు బెయిల్ బయటకు వచ్చి.. ఆత్మహత్య చేసుకున్నాడు.

ఆర్జీవీ సినిమా..

నేటి ఫాదర్స్ డేను పురస్కరించుకు వర్మ చేసిన ప్రకటన అందర్నీ షాక్‌కు గురిచేస్తోంది. ‘అమృత, ఆమెను ఎంతో ప్రేమించిన మారుతీ రావుల విషాద కథను ఆధారంగా తెరకెక్కిస్తున్న సినిమాకు సంబంధించిన ఫస్ట్ లుక్‌ను ఫాదర్స్ డే సందర్భంగా నేటి సాయంత్రం ఐదు గంటలకు విడుదల చేస్తున్నా'నని తెలిపాడు.

అమితమైన ప్రేమ..

మరో ట్వీట్ చేస్తూ.. ‘తండ్రికి ఉండే విపరీతమైన ప్రేమ.. అమృత-మారుతి రావుల జీవితంలో జరిగినట్టుగా భయంకరమైన విషాదానికి కారణం అవుతుంది. ఎవ్వరూ కూడా అలాంటి చెడ్డ తండ్రికి విషెస్ చెప్పరు.. చెడ్డ ఫాదర్స్ డే ఫస్ట్ లుక్ నేటి సాయంత్రం ఐదు గంటలకు' అని ఉత్సుకతను పెంచాడు.

మారుతీ రావు పాత్రే హైలెట్..

‘ఓ కూతరిని అమితంగా ప్రేమించిన డేంజర్ ఫాదర్ అమృత-మారుతీ రావు కథ ఆధారంగా తెరకెక్కిస్తున్న చిత్రం.. ఇది మీ గుండెను తడి చేస్తుంది.. హ్యాపీ ఫాదర్స్ డే సందర్భంగా చెడ్డ ఫాదర్ చిత్రానికి సంబంధించిన ఫస్ట్ లుక్' అంటూ టైటిల్, ఫస్ట్ లుక్‌ను వర్మ రిలీజ్ చేశాడు. ఈ లెక్కన ఈ చిత్రంలో మారుతీ రావు పాత్రే హైలెట్ కానుంది.