శివ స్ఫూర్తితో.. హైదరాబాద్ దాదాలపై సినిమా.. మరో బాంబ్ పేల్చిన ఆర్జీవీ

కమ్మరాజ్యంలో కడపరెడ్లు పెట్టిన చిచ్చు..

ఏపీ రాజకీయాలను హైలెట్ చేస్తూ.. వర్మ తీసిన కమ్మరాజ్యంలో కడపరెడ్లు చిత్రం ఎన్నో వివాదాలకు కేరాఫ్ అడ్రస్‌గా మారింది. టైటిల్‌తో కులాల మధ్య చిచ్చు పెడుతున్నాడని ఎన్నో కేసులు కూడా ఫైల్ అవుతున్నాయి.. ఈ మూవీపై రాజకీయ వర్గాలు కూడా భగ్గుమంటున్నాయి. ఇంతలా వేడి పుట్టిస్తోన్న ఈ మూవీ సంచలనంగా మారుతోంది. దీపావళి కానుకగా విడుదల చేసిన ట్రైలర్‌ ఒక్కసారిగా ట్రెండ్ అయింది. పాత్రల తీరే కాదు.. రియల్ క్యారెక్టర్స్‌ను పోలి ఉండటంతో మరింత రిలేట్ చేసుకుంటున్నారు జనాలు. దీంతో వర్మ అనుకున్నట్లే.. సినిమాపై భారీ హైప్ క్రియేట్ అయింది. అది కూడా సరిపోదన్నట్లు మరింత అగ్గిని రాజేయాలనుకున్నట్లు తెలుస్తోంది.

పాటలతో హల్‌చల్..

ఈ మూవీలో కేఏ పాల్, లోకేష్, చంద్రబాబులను పరోక్షంగా టార్గెట్ చేస్తూ రిలీజ్ చేసిన పాటలు ఎంతగా వైరల్ అయ్యాయో అందరికీ తెలసిందే. కేఏ పాల్ సాంగ్ విపరీతమైన నవ్వును తెప్పిస్తుండగా.. లోకేష్‌పై చిత్రీకరించిన పప్పులాంటి అబ్బాయి పాట ఎంత ఫేమస్ అయిందో అందరం చూశాం. ఇలా పాటలతోనే ఇంతటి సెన్సేషన్ సృష్టింస్తోన్న ఆర్జీవీ ఈ మూవీతో ఇంకెందరి మధ్యలో చిచ్చు పెడతాడో చూడాలి.

జార్జి రెడ్డితో రానున్న హీరో..

వంగవీటి సినిమాతో మంచి నటుడిగా పేరు సంపాదించుకున్న సందీప్ మాధవ్.. ప్రస్తుతం జార్జి రెడ్డి చిత్రంతో రాబోతోన్నాడు. ఈ మూవీపై ఇప్పటికే భారీ అంచనాలు నెలకొనగా.. ఇండస్ట్రీ పెద్దలు కూడా ఈ మూవీపై ప్రశంసలు కురిపిస్తున్నారు. ఈ మూవీ విడుదలకు సిద్దంగా ఉండటంతో, సందీప్ మాధవ్‌తో మరో సినిమాను తీయబోతోన్నట్లు ఆర్జీవీ ఓ బాంబ్‌ను పేల్చాడు.

#CineBox : Balakrishna Suggestions To Boyapati Sreenu For Their Upcoming Film !

హైదరాబాద్ దాదాల ఆధారంగా..

విజయవాడ రౌడీలు, రాయలసీమ ఫ్యాక్షనిస్టులు అయిపోయారని... ఇప్పుడు హైదరాబాద్ దాదాగిరిపై సినిమా తీయబోతున్నానని తెలిపాడు. 1980లలో హైదరాబాదులో నెలకొన్న దాదాగిరి, దాదాలపై ఈ సినిమా ఉంటుందని చెప్పాడు. ఈ సినిమా ఓ రియల్ లైఫ్ క్యారెక్టర్ ఆధారంగా తెరకెక్కబోతోందని... ఈ చిత్రానికి 'శివ' సినిమానే స్ఫూర్తి అని తెలిపాడు. 'హైదరాబాద్ దాదాలు' చిత్రంలో 'జార్జిరెడ్డి' ఫేం సందీప్ మాధవ్ ప్రధాన పాత్రను పోషిస్తాడని చెప్పాడు.