హోమ్

లేటేస్ట్ న్యూస్

కేఎస్ ఫిల్మ్ వర్క్స్ పతాకంపై నవీన్ నేని, ప్రణీత పట్నాయక్ హీరో, హీరోయిన్లుగా కేఎస్ హేమరాజ్ దర్శకత్వంలో రూపొందుతున్న రిచి గాడి పెళ్లి" చిత్రం టైటిల్ ఫస్ట్ లుక్‌ను హీరోయిన్ ఐశ్వర్య రాజేష్ విడుదల చేశారు. ఈ కార్యక్రమంలో చిత్రనటీనటుల, సాంకేతిక నిపుణులు పాల్గొన్నారు. ఈ సినిమా ఫస్ట్ లుక్‌కు మంచి రెస్పాన్స్ వచ్చింది. ఈ సందర్భంగా ఐశ్వర్య రాజేశ్ చిత్ర యూనిట్‌కు అభినందనలు తెలిపారు.

ఈ సందర్భంగా రిచి గాడి పెళ్లి పేరుతో టాలీవుడ్‌లోకి అడుగుపెడుతున్న దర్శకుడు హేమరాజ్ మాట్లాడుతూ... జీవితం అంటే విభిన్న భావాల సమాహారం. వాటి వ్యక్తీకరణే జీవితపు దశాదిశా గమనాన్ని నిర్ణయిస్తుంది. ఈ చిత్రం మన దైనందిన జీవితాలలో భావ వ్యక్తీకరణ యొక్క ప్రాముఖ్యతని నొక్కి చెప్తుంది. నటి ఐశ్వర్య రాజేష్ ఈ రోజు టైటిల్ ఫస్ట్ లుక్‌ను ఆవిష్కరించినందుకు చాలా సంతోషంగా ఉంది. ఆమెకు మా కృతజ్ఞతలు. మాలీవుడ్, కోలీవుడ్ ఇండస్ట్రీల్లో రాణిస్తున్న సినిమాటోగ్రాఫర్ విజయ్ ఉళగనాథ్ ఇతర టెక్నీషియన్ల సహాకారంతో చిత్రాన్ని ఒక ఫీల్‌గు‌డ్ ఎమోషనల్ డ్రామాగా తెరకెక్కించాం అని అన్నారు.

నటీనటులు: నవీన్ నేని, ప్రణీత పట్నాయక్, సత్య, కిషోర్ మర్రి శెట్టి, ప్రవీణ్ రెడ్డి, సతీష్ శెట్టి, బన్నీ వోక్స్, చందనరాజ్, కియారా నాయుడు, మాస్టర్ రాకేశ్ తమోఘ్నా తదితరులు
నిర్మాత, బ్యానర్: కేఎస్ ఫిల్మ్ వర్క్స్
స్క్రీన్ ప్లే, డైరెక్షన్: కెఎస్ హేమరాజ్
సినిమాటోగ్రఫి: విజయ్ ఉళఘనాథ్
సంగీతం: సత్యన్
ఎడిటర్: అరుణ్ ఈఎం
కథ: రాజేంద్ర వైట్ల, నాగరాజు మడూరి
సాహిత్యం: అనంత శ్రీరామ్, శ్రీ మణి
సంభాషణలు: రాజేంద్ర వైట్ల
కళ: హరివర్మ
కొరియోగ్రాఫర్: సతీష్ శెట్టి
కాస్ట్యూమ్ డిజైనర్: సంధ్య సబ్బవరపు
మేకప్: అంజలి సంఘ్వీ
కార్య నిర్వాహక నిర్మాతలు: రామ్ మహంద్ర & శ్రీ
సహ నిర్మాత: సూర్య మెహర్
పిఆర్వో: మధు వీ ఆర్