మరో అడుగు ముందుకేసిన RRR హీరోయిన్.. వీడియో ద్వారా చెప్పేసింది

యూ ట్యూబ్ ఛానెల్ ప్రారంభించా

తాను యూ ట్యూబ్ ఛానెల్ ప్రారంభించానని పేర్కొంటూ ట్వీట్ చేసింది ఆలియా. ఈ మేరకు వీడియో షేర్ చేస్తూ తన యూ ట్యూబ్ ఛానెల్ కి సంబందించిన వివరాలు తెలిపింది. సమ్‌థింగ్ న్యూ, సమ్‌థింగ్ ఫన్, సమ్‌థింగ్ ఆన్ యూ ట్యూబ్ అని ట్యాగ్ చేసి ఆకట్టుకుంది. ఈ యూ ట్యూబ్ ఛానెల్ ద్వారా తన విశేషాలను ఎప్పటికప్పుడు ప్రేక్షకుల ముందుంచే ప్రయత్నం చేస్తోంది ఆలియా.

మంచి, చెడు అన్నీ చెబుతా

ఈ సందర్బంగా తన యూ ట్యూబ్ ఛానెల్‌లో షేర్ చేసిన తొలి వీడియోలో ఆలియా మాట్లాడుతూ.. ''ఇప్పటిదాకా నేను ట్విట్టర్, ఇన్స్‌స్టాగ్రామ్ ల ద్వారా మీతో టచ్ లో ఉన్నాను. ఇప్పుడు యూ ట్యూబ్ ఛానెల్ ద్వారా మీ ముందుకు వస్తున్నా. ఈ ఛానెల్ లో నాకు సంబందించిన మంచి, చెడు అన్ని వివరాల తాలూకు వీడియోలు పోస్ట్ చేస్తుంటా'' అని పేర్కొంది.

భారీ రెస్పాన్స్.. పాజిటివ్‌ రియాక్షన్

జూన్ 26 వ తేదీన ఆలియా తన యూ ట్యూబ్ ఛానెల్ ప్రారంభించగా.. రెండు రోజుల్లోనే ఆడియన్స్ నుంచి భారీ రెస్పాన్స్ వచ్చింది. ఇప్పటి వరకు ఈ ఛానెల్‌కి 3 లక్షల 68 వేల మంది ఫాలోవర్స్ జమయ్యారు. బాలీవుడ్ లో స్టార్ హీరోయిన్ గా వెలుగొందుతున్న ఆలియా చేసిన ఈ ఆలోచనపై పాజిటివ్‌గా రియాక్ట్ అవుతున్నారు ప్రేక్షకులు.

రాజమౌళి సినిమాతో టాలీవుడ్ ఎంట్రీ

బాలీవుడ్ లో భారీ క్రేజ్ సంపాదించిన ఆలియా భట్ రాజమౌళి తెరకెక్కిస్తున్న RRR సినిమాతో టాలీవుడ్ లో అడుగుపెడుతోంది. ఈ సినిమాలో మెగా పవర్ స్టార్ రామ్ చరణ్ సరసన ఆలియా నటించనుంది. మరోవైపు బాలీవుడ్ మూవీ 'బ్రహ్మాస్త్ర' లోనూ ఆలియా హీరోయిన్ గా నటిస్తోంది. ఈ చిత్రంలో అక్కినేని నాగార్జున, అమితాబ్ బచ్చన్ కీలక పాత్రల్లో నటిస్తున్నారు.