రామ్ చరణ్, ఎన్టీఆర్ ట్విట్టర్ వార్.. మధ్యలో చిరంజీవి, రాజమౌళి! మెగా, నందమూరి ఫ్యాన్స్‌లో ఉత్కంఠ

Recommended Video

#BheemforRamaraju @4PM : NTR, Ram Charan Hilarious Punches In Twitter, Trolls On Rajamouli

చిరంజీవి వెయిటింగ్..

రామ్ చరణ్ పుట్టిన రోజు సందర్భంగా RRR మూవీ నుండి ఓ స్పెషల్ సర్‌ప్రైజ్ రానుందని ప్రకటించిన సంగతి తెలిసిందే. అయితే ఉదయం 10 గంటకు రిలీజ్ చేస్తామని ప్రకటించగా.. ఓ పది పదిహేను నిమిషాలు ఉందనగానే చిరంజీవి ఆసక్తికరమైన ట్వీట్ చేశారు. వెయిటింగ్ అంటూ తన ఖైదీ నెంబర్ 150 సినిమాలో ఇంటర్వెల్ సీన్ పోస్ట్ చేశారు.

నిరాశపర్చిన ఎన్టీఆర్.. నీకు తెలుసుగా అంటూ!

ఎప్పటికీ మరిచిపోలేని విధంగా రామ్ చరణ్‌కి ఉదయం 10 గంటలకు సర్‌ప్రైజ్ ఉంటుందని ప్రకటించిన ఎన్టీఆర్.. తీరా 10 గంటలు దాటాక ఆ సర్‌ప్రైజ్ ఆలస్యం కానుందంటూ మరో ట్వీట్ చేశారు. ''నన్ను క్షమించు రామ్ చరణ్ బ్రో.. నీకివ్వాల్సిన గిఫ్ట్‌ను నిన్నరాత్రి రాజమౌళి చేతిలో పెట్టాను.. నీకు తెలిసిందే కదా ఆయన చేతిలోకి వెళితే ఎలా ఉంటుందో.. కొంచెం ఆలస్యం అవుతుంది'' అని అందులో పేర్కొన్నారు.

సార్ సార్ అంటూనే చిరంజీవికి రాజమౌళి రిక్వెస్ట్..

RRR సర్‌ప్రైజ్ కోసం చిరంజీవి ఎంత ఊపులో ఉన్నాడో చూసి కూడా దానిపై నీళ్లు చల్లేశారు రాజమౌళి. ఉదయం పది గంటలు ఎప్పుడవుతుందా? అని చూసిన చిరంజీవికే చుక్కులు చూపిస్తూ.. సార్ సార్ అంటూ అసలు విషయాన్ని చెప్పకనే చెప్పేశారు. ''సార్‌ర్‌ర్.. అంటే అది కొంచెం కొంచెం.. యాక్చువల్‌గా.. ప్లీజ్ సర్'' అంటూ ఆ సర్‌ప్రైజ్ ఆలస్యం కానుందని చెప్పారు.

రామ్ చరణ్ రియాక్షన్.. స్పెషల్ ట్వీట్

ఈ ఇష్యూ అంతా చూస్తున్న రామ్ చరణ్ వెంటనే రియాక్ట్ అవుతూ ఓ స్పెషల్ ట్వీట్ చేశారు. రాత్రికి రాత్రే నిర్ణయం మారిందని, రామ్ చరణ్‌కు ఇవ్వాల్సిన సర్‌ప్రైజ్ రాజమౌళి చేతికి వెళ్లిందని ఎన్టీఆర్ చెప్పిన మాటలపై స్పందించిన రామ్ చరణ్.. ''ఏంటి..? ఆయనకు పంపావా! అసలు అది ఈ రోజు వస్తుందా?'' అంటూ ఫైర్ అయ్యారు.

మెగా, నందమూరి ఫ్యాన్స్‌లో ఉత్కంఠ

ఈ ట్విట్టర్ సంభాషణలు చూస్తున్న నెటిజన్లకు మాత్రం మంచి ఫన్ దొరికింది. అంతేకాదు ఇంతకీ RRR సర్‌ప్రైజ్ వస్తుందా? రాదా? ఎప్పుడొస్తుంది? అనే ఉత్కంఠ మెగా, నందమూరి అభిమానుల్లో మొదలైంది. ఏదేమైనా చిరంజీవి, రాజమౌళి, రామ్ చరణ్, ఎన్టీఆర్ అంతా కలిసి భలే కిక్కిచ్చారులే.