‘సాహో’ కోసం 4 సంవత్సరాలు రోజుకు 20 గంటలు కష్టపడ్డారు: రాధాకృష్ణ

ప్రభాస్ అభిమానులు ఎప్పుడెప్పుడా అని ఎదురు చూస్తున్న 'సాహో' మరో పది రోజుల్లో(ఆగస్టు 30) ప్రేక్షకుల ముందుకు రాబోతోంది. బాహుబలి 2 తర్వాత దాదాపు రెండేళ్లు వెయిట్ చేసిన అభిమానుల నిరీక్షణకు తెరపడే సమయం ఆసన్నమైంది. దాదాపు రూ. 350 కోట్ల బడ్జెట్‌తో రూపొందిన ఈ భారీ చిత్రాన్ని ఐదు భాషల్లో విడుదల చేస్తున్న నేపథ్యంలో ప్రమోషన్స్ కూడా అదే స్థాయిలో నిర్వహిస్తున్నారు.

ఇందులో భాగంగా ఆదివారం(ఆగస్టు 18) హైదరాబాద్‌లో భారీ ప్రీ రిలీజ్ ఈవెంట్ ప్లాన్ చేశారు. రామోజీ ఫిల్మ్ సిటీ వేదికగా జరిగిన ఈ కార్యక్రమంలో సాహో మూవీలో ఉపయోగించిన వస్తువులు, వాహనాలు కూడా ప్రదర్శనకు ఉంచడం గమనార్హం. దాదాపు లక్షమంది అభిమానులు ఈ వేడుకలో పాల్గొనేందుకు తరలి వచ్చారు.

Photo Gallery: 'సాహో' ప్రీ రిలీజ్ ఈవెంట్

ఈ సందర్భంగా ప్రభాస్‌తో తర్వాతి సినిమా చేయబోతున్న దర్శకుడు రాధాకృష్ణ మాట్లాడుతూ... సాహో ఇండియాలో బిగ్గెస్ట్ మూవీ. ఇది మా ఓన్ మూవీ కాబట్టి ఎక్కువగా చెప్పలేం. కానీ ఓ విషయం చెప్పాలనుకుంటున్నాను. 4 సంవత్సరాల నుంచి రోజుకు 20 గంటలు కంటిన్యూగా కష్టపడ్డారు. నిర్మాతల పాషన్‌కు తల వంచి నమస్కరిస్తున్నాను. సుజీత్ ఎంతో మంది యంగ్ డైరెక్టర్లకు స్పూర్తి అని వ్యాఖ్యానించారు.

యువీ క్రియేషన్స్ అధినేతలు వంశీ-ప్రమోద్ఏ-విక్ర‌మ్ లు ఏ విషయంలోనూ రాజీ పడకుండా అత్యంత భారీ బడ్జెట్ తో ఏక కాలంలో తెలుగు, తమిళ, హిందీ భాషల్లో ఈ చిత్రాన్ని నిర్మించారు.
న‌టీన‌టులు.. రెబ‌ల్‌స్టార్ ప్ర‌భాస్, శ్రధ్ధాక‌పూర్‌, జాకీష‌ర‌ఫ్, నీల్ నితిన్ ముఖేష్‌, అరుణ్ విజ‌య్‌, లాల్‌, వెన్నెల కిషోర్‌, ప్ర‌కాష్ బెల్వాది, ఎవిలిన్ శ‌ర్మ‌, చుంకి పాండే, మందిరా బేడి, మ‌హేష్ మంజ్రేఖ‌ర్‌, టిను ఆనంద్‌, శ‌ర‌త్ లోహిత‌ష్వా త‌దిత‌రులు..