నిఖిల్ వివాహం : మరో వికెట్ పడింది.. భయం వేస్తోంది.. సాయి ధరమ్ తేజ్ ట్వీట్ వైరల్

లాక్ డౌన్‌తో వాయిదా..

హీరో నిఖిల్ వివాహానికి కరోనావైరస్ లాక్ డౌన్ అడ్డంకిగా మారింది. ఏప్రిల్‌లో జరుగాల్సిన పెళ్లి మే 14 వాయిదా పడింది. అయితే లాక్‌డౌన్ పరిస్థితులు మారే అవకాశాలు కనిపించకపోవడంతో తన పెళ్లిని నిరాడంబరంగా చేసుకోవాలని నిఖిల్ నిర్ణయించుకున్నాడు.

Recommended Video

Exclusive Pics Of Actor Nikhil Siddharth And Pallavi Marriage

నిబంధనలకు లోబడి..

లాక్ డౌన్ నిబంధనలకు లోబడే.. వివాహా వేడుక నిరాడంబరంగా జరిగింది. పరిమిత సంఖ్యలో బంధుమిత్రులు హాజరయ్యారు. హైదరాబాద్‌కు సమీపంలోని షామీర్ పేటలోని రిసార్టు పెళ్లి వేడుకకు వేదికైంది. నేటి ఉదయం 6.31 గంటల సుముహుర్తానికి నిఖిల్, పల్లవి జంట ఒక్కటైంది.

ఫోటోలు వైరల్..

నిఖిల్ తన పెళ్లికి సంబంధించిన ఫోటోలను, విశేషాలను తానే స్వయంగా ప్రకటిస్తానని చెప్పాడు. ఈ మేరకు నిన్న సాయంత్రం పెళ్లి కొడుకును చేసిన ఫోటోలను షేర్ చేసి తన పెళ్లి జరుగుతోందని అధికారికంగా తెలిపాడు. కాసేపటి క్రితమే పెళ్లికి సంబంధించిన ఫోటోలను కూడా షేర్ చేశాడు. ఇక ఫోటోలు సోషల్ మీడియాలో తెగ వైరల్ అవుతున్నాయి.

మరో వికెట్ పడింది..

నిఖిల్ వివాహాంపై సుప్రీమ్ హీరో సాయి ధరమ్ తేజ్ స్పందిస్తూ.. ‘టీ టౌన్‌లో మరో వికెట్ పడింది. జీవితంలో అతి పెద్ద అడుగు వేసిన నిఖిల్‌కు కంగ్రాట్స్. నీ లైఫ్‌లో మరిన్ని హ్యాపీడేస్ రావాలి, మరింత ప్రత్యేకంగా, సరదాగా ఉండాల'ని కోరుకున్నాడు.

బ్రహ్మాజీ కౌంటర్..

సాయి ధరమ్ తేజ్ కామెంట్‌కు స్పందించిన బ్రహ్మాజీ.. ఎంజాయ్ చేస్తున్నావా తేజు వికెట్ పడుతుంటే అని పేర్కొన్నాడు. దీనికి ప్రతి స్పందనగా.. భయం వేస్తుంది భాజీ.. అని రిప్లై ఇస్తే.. ఆ తప్పు అసలు చేయకు.. దొరికిపోతావ్ అని బ్రహ్మాజీ మళ్లీ ఫన్నీ రిప్లై ఇచ్చాడు.