హోమ్

లేటేస్ట్ న్యూస్

ఇటీవలే ప్రతీ రోజు పండగే సినిమాతో సక్సెస్ సాధించిన సాయి ధరమ్ తేజ్ ఇక 'సోలో బ్రతుకే సో బెటర్' అంటున్నాడు. జయాపజయాలకు లెక్కచేయకుండా వరుస సినిమాలు చేస్తున్న ఈ హీరో ఈ సారి డిఫరెంట్ కథాశంతో ప్రేక్షకుల ముందుకు రాబోతున్నాడు. వెంకటేశ్వర సినీ చిత్ర బ్యానర్ పై బివిఎస్ యెన్ ప్రసాద్ నిర్మిస్తున్న ఈ చిత్రం ప్రస్తుతం శరవేగంగా షూటింగ్ జరుపుకుంటోంది.

ఈ సినిమాకు కొత్త దర్శకుడు సుబ్బు దర్శకత్వం వహిస్తున్నాడు. చిత్రంలో సాయి ధరమ్ తేజ్ సరసన నభా నటేష్ హీరోయిన్ గా నటిస్తోంది. తాజాగా ఈ చిత్రాన్ని మే 1 న విడుదల చేయనున్నట్లు ప్రకటిస్తూ కొత్త పోస్టర్ రిలీజ్ చేసింది చిత్రయూనిట్. ఈ మూవీ టైటిల్ సాంగ్ వీడియోను వాలెంటైన్స్ డే సందర్బంగా విడుదల చేయనున్నట్లు తెలిపారు.

ఈ సందర్బంగా సాయి ధరమ్ తేజ్ 'సోలో సోదర సోదరీమణులారా.. ఈ వాలెంటైన్స్ వీకెండ్ మనమంతా కలిసి జరుపుకుందాం.. మన స్లోగన్ ఒక్కటే.. 'సోలో బ్రతుకే సో బెటర్'..' అని ట్వీట్ చేశారు.

ఈ సినిమాలో సాయి ధరమ్ తేజ్ డిఫెరెంట్ లుక్ కనిపించనున్నాడని తెలుస్తోంది. యూత్ ఆడియన్స్ ని ఆకట్టుకునే విధంగా రూపొందించబడుతున్న ఈ సినిమా మెగా మేనల్లుడి కెరీర్ లో ది బెస్ట్ మూవీ అవుతుందని అంటున్నారు మేకర్స్. చూడాలి మరి సోలో బ్రతుకు గురించి సాయి ధరమ్ తేజ్ ఎలాంటి విషయాలు చెబుతాడో.

సోలో సోదర సోదరీమణులారా...ఈ valentines weekend మనం అంతా కలిసి జరుపుకుందాం...మన slogan ఒకటే...సోలో బ్రతుకే సో బెటర్ 💪🏼 #SBSBFromMay1st @SVCCofficial @MusicThaman @NabhaNatesh @subbucinema #solobrathukesobetter pic.twitter.com/bDCgGzk1wL

— Sai Dharam Tej (@IamSaiDharamTej) February 1, 2020