Don't Miss!
- News వైసీపీకి బీఆర్ఎస్ గతే: గంటా శ్రీనివాసరావు సంచనల వ్యాఖ్యలు
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
మెగా అభిమానులకు ఎప్పుడూ రుణపడి ఉంటాం: సాయిధరమ్ తేజ్
మెగా అభిమానులకు పండుగ రోజు అంటే మెగాస్టార్ చిరంజీవి పుట్టినరోజు అని చెప్పడంలో అతిశయోక్తి లేదు. ప్రతీ ఏడాది ఆయన బర్త్ డేని ఎంతో స్పెషల్గా నిర్వహిస్తూ ఎన్నో సామాజిక సేవా కార్యక్రమాలు చేస్తుంటారు మెగా ఫ్యాన్స్. ఈ నేపథ్యంలోనే ఆగస్టు 22న ఆయన 64వ పుట్టిన రోజు సందర్బంగా భారీ వేడుక ప్లాన్ చేశారు. ఈ వేడుక హైదరాబాద్లోని శిల్పకళా వేదికలో జరిగింది. అంగరంగ వైభవంగా ప్రారంభమైన ఈ ఫంక్షన్కు ప్రత్యేక అతిథులు విచ్చేసి సందడి చేశారు.
ఈ వేడుకలో భాగంగా పదో తరగతిలో ఉత్తమ ఫలితాలు సాధించిన వారికి మొమెంటో అందచేసిన మెగా మేనల్లుడు సాయి ధరమ్ తేజ్.. ముందుగా మెగా అభిమానులను పలకరిస్తూ ఎలా ఉన్నారని అడిగారు. మీ అందరినీ ఇలా కలుసుకోవడం చాలా ఆనందంగా ఉందని అన్నారు.
ఆ తర్వాత సాయి ధరమ్ తేజ్ మాట్లాడుతూ.. ''హ్యాపీ బర్త్ డే పెద్ద మావయ్య. మీరింకా ఎన్నో సినిమాలు చేస్తూ మమ్మల్ని అలరిస్తూ ఉండాలి. ఆంజనేయ స్వామి మీకు ఆ స్ట్రెంగ్త్ ఇవ్వాలని కోరుకుంకుంటున్నా. ప్రతీ సంవత్సరం ఆగస్టు 22ను ఓ పండగలా చేసుకునే మెగా అభిమానులందరికీ నా కృతజ్ఞతలు. నేను 15 ఏళ్లుగా చూస్తున్నా.. ప్రతీ ఏడాది ఇలాగే ఒక పండగ జరుగుతూనే ఉంది. అది మీ వల్లే సాధ్యమైంది. థాంక్ యూ సో మచ్. మెగా అభిమానులకు మేము ఎప్పుడూ రుణపడి ఉంటాం. మీ ఆశీస్సులు మాపై ఉన్నందుకు థాంక్యూ'' అన్నారు.
ఈ వేడుకలకు రెండు తెలుగు రాష్ట్రాల నలుమూలల నుంచి మెగా అభిమానులు తరలి రావడం విశేషం. శిల్పకళా వేదిక ప్రాంగణమంతా మెగా అభిమానులతో కిక్కిరిసిపోయింది. ఈ పుట్టినరోజు వేడుకల్లో మెగాస్టార్ చిరంజీవితో పాటు మెగా ఫ్యామిలీ స్టార్స్ అందరూ పాల్గొని అభిమానులకు కనువిందు చేశారు. ఇక ఈ వేడుకకు పవర్ స్టార్ పవన్ కళ్యాణ్ ముఖ్య అతిథిగా హాజరు కావడం మరో విశేషం. త్వరలో చిరంజీవి నటించిన 'సైరా నరసింహారెడ్డి' మూవీ విడుదలవుతున్న నేపథ్యంలో ఈ సారి పుట్టినరోజు వేడుక మరింత స్పెషల్ అయింది.