Don't Miss!
- Finance Kotak Mahindra Bank: కొంపముంచి కోటక్ మహీంద్రా బ్యాంక్.. భారీగా పడిపోయిన స్టాక్..!
- Technology ఆపిల్ తరహా డిజైన్తో నాయిస్ స్మార్ట్వాచ్.. 1.85 అంగుళాల డిస్ప్లే, 7 రోజుల బ్యాటరీ లైఫ్తో విడుదల
- News వీళ్లా..వైఎస్ వారసులు, పక్కన పెట్టింది ఇందుకే - షర్మిల పై జగన్ ఫైర్..!!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
జాను రిలీజ్ డేట్ ఫిక్స్.. సందడి చేసేందుకు సమంత రెడీ
అక్కినేని కోడలు, స్టార్ హీరోయిన్ సమంత మరో సినిమాతో సందడి చేసేందుకు రెడీ అయింది. గతేడాది వరుస సక్సెస్లు అందుకున్న ఈ యంగ్ హీరోయిన్ 'ఓ బేబీ' సినిమా తర్వాత మళ్ళీ వెండితెరపై కనిపించలేదు. దీంతో ఆమె సినిమా కోసం టాలీవుడ్ లోకం వేయికళ్లతో ఎదురుచూస్తోంది. అయితే ఆ ఎదురుచూపులకు ఫుల్స్టాప్ పెడుతూ సమంత కొత్త సినిమా 'జాను' రిలీజ్ డేట్ ఫిక్స్ చేశారు మేకర్స్.
వైవిధ్యభరితమైన కథా చిత్రంగా తమిళంలో విడుదలై సక్సెస్ సాధించిన '96' సినిమాను తెలుగులో 'జాను' పేరుతో రీమేక్ చేశారు. ఈ సినిమా రీమేక్ హక్కుల కోసం పోటీపడి మరీ ఆ హక్కులను దక్కించుకున్న దిల్ రాజు ఈ సినిమాను ప్రతిష్టాత్మకంగా నిర్మించారు. ప్రేమ్ కుమార్ దర్శకత్వంలో ఈ సినిమా తెరకెక్కింది.
చిత్రంలో శర్వానంద్ హీరోగా నటిస్తుండగా జాను పాత్రలో సమంత లీడ్ రోల్ పోషిస్తోంది. ముందుగా ఈ సినిమాను ప్రేమికుల రోజు కానుకగా ఫిబ్రవరి 14న రిలీజ్ చేయాలనుకున్నారు. కానీ ఈ తేదీ మార్చేస్తూ ఓ వారం ముందుగానే ఫిబ్రవరి 7న రిలీజ్ డేట్ కన్ఫర్మ్ చేశారు. ఈ మేరకు కొత్త పోస్టర్స్ రిలీజ్ చేసింది చిత్రయూనిట్.
ఇప్పటికే విడుదలైన జాను పోస్టర్స్, ఫస్ట్ సింగిల్ భారీ రెస్పాన్స్ తెచ్చుకొని సినిమాపై అంచనాలను రెట్టింపు చేశాయి. చిత్రంలో రెండో పాట ''ఓహోలే'' ఈ రోజు (జనవరి 26) విడుదల కానుంది. కథాపరంగా ఈ సినిమా తెలుగు ప్రేక్షకులను కూడా మెప్పించి సూపర్ హిట్ సాధిస్తుందని ధీమాగా ఉన్నారు మేకర్స్.