Click it and Unblock the Notifications
అమీర్ ఖాన్ తో నాగచైతన్య.. యాయ్ యాయ్ అంటూ ఫోటోలు షేర్ చేసిన సమంతా!
నటుడు అక్కినేని చైతన్య చివరగా నటించిన లవ్ స్టోరీ సినిమా విడుదలకు సిద్ధంగా ఉన్న సంగతి తెలిసిందే. నిజానికి ఈ సినిమా ఏప్రిల్ నెలలో విడుదల కావాల్సి ఉన్నా కరోనా రెండో దశ మహమ్మారి కారణంగా ఈ సినిమా వాయిదా వేశారు దర్శక నిర్మాతలు.. ఇక ఈ సినిమా పూర్తయిన వెంటనే ఆయన థాంక్యూ అనే సినిమా షూటింగ్ కోసం ఇటలీ కూడా వెళ్లారు.. విక్రమ్ కుమార్ దర్శకత్వంలో తెరకెక్కుతున్న ఈ సినిమా షూటింగ్ కూడా దాదాపు పూర్తి కావచ్చింది అనే ప్రచారం జరుగుతోంది.
ఇక తాజాగా ఆయన అమీర్ ఖాన్ తో కలిసి లాల్ సింగ్ చద్దా అనే ఒక బాలీవుడ్ సినిమాలో నటిస్తున్నారు.. తాజాగా ఆ సినిమాకు సంబంధించిన సెట్ నుంచి ఒక ఫోటో చైతన్య తన సోషల్ మీడియా ద్వారా పంచుకున్నారు.. ఈ ఫోటోలో నాగచైతన్య అమీర్ ఖాన్ ఇద్దరూ కూడా మిలిటరీ డ్రెస్సులు ధరించి కనిపిస్తున్నారు. ఆ పక్కనే మరో ఇద్దరు టెక్నీషియన్స్ కూడా ఫోటోలో కనిపిస్తున్నారు. ఇక ఈ ఫోటో షేర్ చేసిన చైతన్య గ్రేట్ ఫుల్ అంటూ కామెంట్ చేయగా ఈ ఫోటోని అక్కినేని సమంత షేర్ చేస్తూ యాయ్ యాయ్ యాయ్ అంటూ తన సోషల్ మీడియా వేదికగా పంచుకుంది.
నిజానికి ప్రస్తుతం అక్కినేని నాగచైతన్య నటిస్తున్న పాత్రలో విజయ్ సేతుపతి నటించాల్సి ఉంది. కానీ ఆయన డేట్స్ ఖాళీ లేని కారణంగా ఈ సినిమా అవకాశం అక్కినేని నాగ చైతన్యకు దక్కింది. ఇక సమంత కూడా ఈ మధ్యనే బాలీవుడ్ వెబ్ సిరీస్ ఫ్యామిలీ మాన్ 2 ద్వారా డిజిటల్ స్పేస్ తో పాటు బాలీవుడ్ కి కూడా ఒకే సారి ఎంట్రీ ఇచ్చినట్లయింది. వీరిద్దరికీ బాలీవుడ్ నుంచి వరుస అవకాశాలు వస్తుండడంతో వీరిద్దరూ ముంబైలో ఇల్లు కోరుకుంటున్నారని కూడా ప్రచారం మొదలైంది.. అయితే ఆ విషయం మీద మాత్రం ఎలాంటి క్లారిటీ లేదు. లాల్ సింగ్ చద్దా సినిమా షూటింగ్ ప్రస్తుతం లడక్ ప్రాంతంలో జరుగుతున్నట్లు తెలుస్తోంది.
Continue with Google