హోమ్

లేటేస్ట్ న్యూస్

సమంత ప్రధాన పాత్రలో నందినీ రెడ్డి దర్శకత్వంలో రూపొందుతున్న చిత్రం 'ఓ బేబీ'. సురేష్ ప్రొడక్షన్స్, గురు ఫిల్మ్స్, పీపుల్స్ మీడియా ఫ్యాక్టరీ సంయుక్తంగా నిర్మిస్తున్న ఈ చిత్రం ఫస్ట్ లుక్ పోస్టర్ విడుదలైంది. సురేష్ ప్రొడక్షన్స్ సంస్థ 55 ఏళ్లు పూర్తి చేసుకున్న సందర్భంగా ఈ పోస్టర్ విడుదల చేశారు.

ఈ సందర్భంగా సమంత తన ట్విట్టర్ పేజీ ద్వారా ఫస్ట్ లుక్ పోస్టర్ రిలీజ్ చేస్తూ... సురేష్ ప్రొడక్షన్స్ సంస్థను విష్ చేశారు. 55 ఏళ్ల లెజెండరీ జర్నీ... ఇలాంటి ప్రతిష్టాత్మక సంస్థతో కలిసి సినిమా చేస్తున్నందుకు ఆనందంగా ఉందన్నారు.

Congratulations to @SureshProdns on completing 55 years of an absolutely legendary journey. I'm very happy to be a part of their next. Here's introducing you all to #Swathi from #OhBaby @nandureddy4u enjoyment maamul ga undadu😝😉@peoplemediafcy | @gurufilms1 pic.twitter.com/rJ6wae3wny

— Samantha Akkineni (@Samanthaprabhu2) May 21, 2019

'ఓ బేబీ' చిత్రంలో స్వాతి అనే పాత్రలో కనిపించబోతున్నట్లు సమంత తెలిపారు. ఈ సినిమాలో ఎంజాయ్మెంట్ మామూలుగా ఉండదు... ఎంజయ్ చేయడానికి రెడీగా ఉండండి అని సమంత పేర్కొన్నారు. ఈ పోస్టర్‌కు సినీ అభిమానుల నుంచి మంచి స్పందన వస్తోంది.

'ఓ బేబీ' చిత్రంలో సమంత డెబ్బై ఏళ్ల ముసలమ్మ పాత్రలో... 20 యువతి పాత్రలో కనిపించబోతున్నట్లు తెలుస్తోంది. ఇండియన్ సినిమా చరిత్రలో ఇప్పటి వరకు రాని ఒక విభిన్నమైన కథతో ఈ చిత్రం ఉండబోతోందని టాక్.

కోడలు పిల్లతో ఫుల్ హ్యాపీ... సమంత గురించి నాగ్ క్రేజీ ట్వీట్

ఈ చిత్రంపై సమంత భారీ అంచనాలు పెట్టుకున్నారు. ఈ మూవీ గురించి ఆమె గతంలో ఓ సందర్భంలో మాట్లాడుతూ.. నా మనసుకు ఎంతో దగ్గరైన చిత్రం. చాలా ప్రత్యేకమైన చిత్రం. నాకెంతో నచ్చిన పాత్రలో నటించాను. డైరెక్టర్ నందినీ రెడ్డి చాలా బాగా హ్యాండిల్ చేశారని తెలిపారు.

'మిస్ గ్రానీ' అనే కొరియన్ మూవీకి రీమేక్‌గా రూపొందుతున్న ఈ చిత్రానికి సురేష్ బాబు, సునీత తాటి, టిజి విశ్వప్రసాద్, హ్యూనవూ థామస్ కిమ్ నిర్మాతలు. త్వరలోనే రిలీజ్ డేట్ ప్రకటించనున్నారు. ఈ చిత్రంలో ఇంకా నాగ శౌర్య, లక్ష్మీ, రావు రమేష్, ప్రగత ముఖ్య పాత్రలు పోషిస్తున్నారు.