సమంత ‘యూ టర్న్’ రిలీజ్ డేట్ ఖరారు

సమంత, ఆది పినిశెట్టి కీలక పాత్రల్లో ప‌వ‌న్ కుమార్ దర్శకత్వంలో మిస్టరీ థ్రిల్లర్‌గా తెరకెక్కిన చిత్రం 'యూ టర్న్'. ఈ మూవీ విడుద‌ల తేదీ సెప్టెంబ‌ర్ 13న ఖ‌రారైంది. ఇప్ప‌టికే విడుద‌లైన ట్రైల‌ర్ కు అద్భుత‌మైన రెస్పాన్స్ వ‌చ్చింది. త‌మిళ‌ం, తెలుగులో క‌లిపి దాదాపు 6.5 మిలియ‌న్ వ్యూస్ వ‌చ్చాయి.

ఈ చిత్రాన్ని ఒకేసారి తెలుగు, త‌మిళంలో తెర‌కెక్కించారు. రెండు భాష‌ల్లోనూ ఒకేరోజు విడుద‌ల కానుంది. కన్నడలో 'యూ టర్న్' మూవీ సూపర్ హిట్ కావడంతో అదే పేరుతో ఈ మూవీని రెండు బాషల్లో రీమేక్ చేస్తున్నారు.

ఒక ఫ్లైఓవర్ మీద జరిగే యాక్సిడెంట్ నేపథ్యంలో ఈ సినిమా సాగుతుంది. ఈ యాక్సిడెంటులో భూమిక మరణించి దెయ్యంగా మారుతుంది. ఆ తర్వాత ఏం జరిగింది అనే అంశాలు ఆసక్తికరంగా ఉండనున్నాయి.

సమంత, ఆదితో పాటు రాహుల్ ర‌వీంద్ర‌న్, భూమికా చావ్లా ఈ చిత్రంలో కీల‌క‌పాత్ర‌లు పోషించారు. పూర్ణ‌చంద్ర తేజ‌స్వి ఈ చిత్రానికి సంగీతం అందించారు. నికేత్ బొమ్మి సినిమాటోగ్ర‌ఫీ సినిమాకు హైలైట్ కానుంది. శ్రీ‌నివాస సిల్వ‌ర్ స్క్రీన్ మ‌రియు వివై కంబైన్స్ బ్యాన‌ర్స్ పై శ్రీ‌నివాస చిట్టూరి, రాంబాబు బండారు యు ట‌ర్న్ చిత్రాన్ని నిర్మించారు.