హోమ్

లేటేస్ట్ న్యూస్

అర్జున్ రెడ్డి సినిమాతో టాలీవుడ్ లో సెన్సేషన్ క్రియేట్ చేసిన సందీప్ రెడ్డి వంగా అదే సినిమాను బాలీవుడ్ లో రీమేక్ చేసి సక్సెస్ అయ్యాడు. షాహిద్ కపూర్, కియారా అద్వానీ జంటగా రూపొందిన ఈ సినిమా పలు వివాదాల సృష్ఠ్టిస్తూనే బాలీవుడ్ లో సంచలన విజయం సాధించింది. దీంతో సందీప్ రెడ్డి వంగా టాలెంట్ మరోసారి బయటపడింది. దీంతో సందీప్ రెడ్డి చేయబోయే ఇతర ప్రాజెక్టుల విషయంలో చర్చలు మొదలయ్యాయి.

ఈ నేపథ్యంలో ఎప్పటి నుంచో వినిపిస్తున్న వార్త మహేష్ బాబుతో సందీప్ రెడ్డి వంగా సినిమా. ఈ ఇద్దరి కాంబోలో కొత్త సినిమా రానుందని వార్తలు వచ్చిన సంగతి తెలిసిందే. అయితే మహేష్ బాబు తన ఇతర ప్రాజెక్టులతో బిజీగా ఉండటం కారణంగా సందీప్ రెడ్డి వంగా సినిమా చేయలేక పోయారని, ఆ సినిమా పట్టాలెక్కే అవకాశం లేదని చెప్పుకొన్నారు. కానీ తాజాగా వినిపిస్తున్న సమాచారం మేరకు సందీప్ రెడ్డి- మహేష్ కాంబోలో సినిమా రావడం పక్కా అని తెలుస్తోంది.

కబీర్ సింగ్ సక్సెస్‌లో భాగంగా ఓ ఇంటర్వ్యూలో పాల్గొన్న సందీప్ రెడ్డి.. తాను ఇటీవల మహేష్‌కి కథ స్టోరీ లైన్ వినిపించగా సూపర్ స్టార్‌కి బాగా నచ్చిందని చెప్పాడని, మహేష్ తో సినిమా తప్పకుండా చేస్తానని అన్నాడు సందీప్ రెడ్డి. ఈ మేరకు ఆ కథకు సంబందించిన స్క్రిప్ట్ పనులు పూర్తి చేస్తున్నాని తెలిపిన ఆయన త్వరలోనే ఇతర వివరాలు చెబుతానని పేర్కొన్నాడు. దీన్ని బట్టి మహేష్- సందీప్ సినిమా కన్ఫర్మ్ అని అర్థమవుతోంది.

ఇక ప్రస్తుతం మహేష్ బాబు తన 26 వ సినిమా 'సరిలేరు నీకెవ్వరు'తో బిజీగా ఉన్నాడు. అనిల్ రావిపూడి దర్శకత్వంలో తెరకెక్కుతున్న ఈ సినిమా ప్రస్తుతం కాశ్మీర్ లో షూటింగ్ జరుపుకుంటోంది. చిత్రంలో మహేష్ సరసన రష్మిక మందన్న హీరోయిన్ గా నటిస్తుండగా సౌత్ ఇండియా సూపర్ స్టార్ విజయశాంతి కీలక పాత్ర పోషిస్తోంది.