హోమ్

లేటేస్ట్ న్యూస్

ఘాజి చిత్రంతో దర్శకుడు సంకల్ప్ రెడ్డి దేశవ్యాప్తంగా గుర్తింపు పొందాడు. ఘాజి చిత్ర తెలుగుతో పాటు హిందీలో కూడా విడుదలై విజయాన్ని అందుకుంది. ఆ చిత్రం అందించిన స్పూర్తితో రిస్క్ అయినా కూడా అంతరిక్ష పరిశోధన నేపథ్యంలో వరుణ్ తేజ్ తో అంతరిక్షం చిత్రాన్ని తెరకెక్కించిన సంగతి తెలిసిందే. ఈ చిత్రం ఆశించిన స్థాయిలో విజయాన్ని అందించలేకపోయింది.

అయినా కూడా సంకల్ప్ రెడ్డి వెనక్కి తగ్గడం లేదు. విభిన్నమైన, యూనివర్సల్ కథలతోనే సినిమాలు రూపొందించాలని భావిస్తున్నట్లు తెలుస్తోంది. తాజా సమాచారం ప్రకారం సంకల్ప్ రెడ్డి తదుపరి చిత్రం మంచు ఖండం అంటార్కిటికా నేపథ్యంలో ఉండబోతోందట. ఈ చిత్రంలో హీరో అంటార్కిటికా రీసెర్చ్ సెంటర్ లో జాయిన్ కావడం, అక్కడ అతడు ఎదుర్కొనే సవాళ్లతో సంకల్ప్ రెడ్డి ఉత్కంఠ భరితమైన కథని సిద్ధం చేస్తున్నట్లు తెలుస్తోంది.

కానీ సంకల్ప్ రెడ్డి తన తదుపరి చిత్ర విషయంలో ఎటువంటి అధికారిక ప్రకటన చేయలేదు. త్వరలో ఈచిత్రం గురించి పూర్తి వివరాలు బయటకు రానున్నట్లు తెలుస్తోంది. కమర్షియల్ అంశాల లేకుండా కూడా మంచి కథతోప్రేక్షకులని మెప్పించవచ్చు అనే ధీమాతో సంకల్ప్ రెడ్డి ఉన్నాడు.