హోమ్

లేటేస్ట్ న్యూస్

సూపర్ స్టార్ మహేష్ బాబు మండే సర్‌ప్రైజ్ ఇచ్చేందుకు రెడీ అయ్యారు. గత మండే 'మైండ్ బ్లాక్' చేసిన ఆయన ఈ మండే.. మరో సర్‌ప్రైజ్ సిద్ధం చేశారు. ''సూర్యుడివో చంద్రుడివో ఆ ఇద్దరి కలయికవో'' అంటూ సాగిపోయే పాటను రిలీజ్ చేయబోతున్నారు. ఈ రోజే (డిసెంబర్ 9) ఈ పాట విడుదల కానుంది.

అయితే పాట విడుదలకు కొన్ని గంటల ముందే ఈ సాంగ్ లిరిక్స్ షేర్ చేస్తూ రామజోగయ్య శాస్త్రికి కృతజ్ఞతలు చెప్పారు డైరెక్టర్ అనిల్ రావిపూడి. దేవీ శ్రీ ప్రసాద్ బ్రిలియంట్ ట్యూన్ అందించారని అన్నారు.

ఈ మేరకు ''సూర్యుడివో చంద్రుడివో ఆ ఇద్దరి కలయికవో...

సారథి వో వారధి వో మా ఊపిరి కన్న కలవో.

విశ్వమంతా ప్రేమ పండించగా పుట్టుకైన ఋషివో...

సాటివారికై నీ వంతుగా ఉద్యమించు కృషివో..." అంటూ పాటలోని లిరిక్స్ పంచుకున్నారు అనిల్.

సూర్యుడివో చంద్రుడివో ఆ ఇద్దరి కలయికవో...
సారథి వో వారధి వో మా ఊపిరి కన్న కలవో.

విశ్వమంతా ప్రేమ పండించగా పుట్టుకైన ఋషివో...

సాటివారికై నీ వంతుగా ఉద్యమించు కృషివో..."@thisisdsp sir.. brilliant tune @ramjowrites garu... Meaningful lyrics 🙏🙏👏👏... pic.twitter.com/oGOorINiXM

— Anil Ravipudi (@AnilRavipudi) December 9, 2019

అనిల్ రావిపూడి దర్శకత్వంలో తెరకెక్కుతున్న 'సరిలేరు నీకెవ్వరు' చిత్రంలో మహేష్ బాబు సరసన రష్మిక మందన్న హీరోయిన్‌గా నటిస్తోంది. లేడీ సూపర్ స్టార్ విజయశాంతి ఈ సినిమాతోనే వెండితెరకు రీ ఎంట్రీ ఇస్తోంది. దీంతో ఈ సినిమాపై భారీ హైప్ క్రియేట్ అయింది. ఈ సినిమా సంక్రాంతి కానుకగా విడుదల కానుంది.