Mind Block Song: మహేష్ బాబు మండే సర్‌ప్రైజ్.. ఆగలేకపోతున్న ఫ్యాన్స్..

Updated: Monday, December 2, 2019, 11:46 [IST]

సూపర్ స్టార్ మహేష్ బాబు మండే సర్‌ప్రైజ్ ఇచ్చేందుకు రెడీ అయ్యారు. అభినామానులు ఉర్రుతలూగేలా ఫస్ట్ మండే సర్‌ప్రైజ్ సిద్ధం చేశారు 'సరిలేరు నీకెవ్వరు' మేకర్స్. ఈ సర్‌ప్రైజ్ మహేష్ బాబు అభిమానులకు మైండ్ బ్లాక్ చేయనుందట. దీనికి ముహూర్తం ఈ రోజు (డిసెంబర్ 2) పెట్టేశారు. ఆ వివరాలు చూద్దామా..

మిస్మరైజ్ చేసేలా వరుస అప్‌డేట్స్

ఇప్పటికే 'సరిలేరు నీకెవ్వరు' ప్రమోషన్స్ స్టార్ట్ చేసిన చిత్రయూనిట్.. టీజర్ రిలీజ్ చేసి బ్రహ్మండమైన కిక్ స్టార్ట్ ఇచ్చేసింది. ఆపై పలు పోస్టర్స్ ద్వారా ఆకట్టుకుంది. దీంతో ఈ సినిమాకు బాగా కనెక్ట్ అయ్యారు జనం. ఈ తరుణంలో ఇకపై ఎలాంటి బ్రేక్ ఇవ్వకుండా వరుస అప్‌డేట్స్ ఇస్తూ ప్రేక్షకలోకాన్ని మిస్మరైజ్ చేయాలని డిసైడ్ అయ్యారట మేకర్స్.

సోమవారం స్పెషల్.. మహేష్ కిక్

ఈ మేరకు సరికొత్త ప్లాన్ రచించారు 'సరిలేరు నీకెవ్వరు' దర్శకనిర్మాతలు. మాస్ మహేష్ బాబు మండేస్ పేరుతో ఇకపై వారానికి ఒకటి చొప్పున ప్రతి సోమవారం అప్డేట్ ఇచ్చేలా డిసైడ్ అయ్యారు. ఈ అప్‌డేట్స్‌లో పాటలు, కౌంట్‌డౌన్ పోస్టర్స్, గ్లింప్స్, వీడియోస్, ట్రైలర్ అన్నీ ఉంటాయి. ఇందులో భాగంగానే ఈ మండే ముస్తాబయింది.

ఆగలేకపోతున్న ఫ్యాన్స్.. మైండ్ బ్లాక్

ఈ నేపథ్యంలో 'సరిలేరు నీకెవ్వరు' మొదటి పాట ''మైండ్ బ్లాక్''కి ముహూర్తం పెట్టేశారు. డిసెంబర్ 2వ తేదీ (సోమవారం) సాయంత్రం 5గంటల 4 నిమిషాలకు విడుదల చేస్తున్నట్లు ప్రకటించారు. ఈ సాంగ్ మహేష్ అభిమానులకు మైండ్ బ్లాక్ చేయడం ఖాయం అని తెలుస్తుండటంలో ఆయన ఫ్యాన్స్ ఆగలేకపోతున్నారు.

ఐదు సోమవారాలు.. ఐదు పాటలు

ఈ సోమవారం మొదలుకొని ఐదు సోమవారాల్లో ఐదు పాటలు విడుదల చేయనున్నట్లు ఇప్పటికే చిత్ర యూనిట్ ప్రకటించింది. జనవరి 11న సినిమా విడుదలయ్యేంత వరకు ఈ హంగామా కొనసాగనుంది. దీంతో నెల ముందుగానే మహేష్ అభిమానులకు సంక్రాంతి పండగ వచ్చినట్లయింది.

'సరిలేరు నీకెవ్వరు' మూవీ

అనిల్ సుంకర, దిల్ రాజులతో పాటు మహేష్ బాబు సంయుక్తంగా 'సరిలేరు నీకెవ్వరు' మూవీ నిర్మించడం విశేషం. ఈ చిత్రంలో మహేష్ బాబు సరసన రష్మిక మందన్న కథానాయికగా నటిస్తోంది. సీనియర్ నటి విజయశాంతి ప్రధాన పాత్ర పోషిస్తోంది. భారీ అంచనాల నడుమ జనవరి 11వ తేదీన ‘సరిలేరు నీకెవ్వరు' చిత్రం విడుదల కానుంది.