SVP Trailer పవన్ రికార్డ్ బ్రేక్ చేయలేకపోయిన మహేష్.. భీమ్లానాయక్‌దే హవా

పవర్‌ఫుల్‌గా డైలాగ్స్

సర్కారు వారీ పాట చిత్రానికి సంబంధించిన ట్రైలర్ సగటు ప్రేక్షకుడికి సంతోషాన్ని నింపింది. ఎన్నో రోజులుగా ఎదురు చూస్తున్న మహేష్ అభిమానులకు పండుగ వాతావరణం నింపింది. అయితే నేను విన్నాను.. నేను ఉన్నాను.. వయాగ్రా వేసుకొని శోభనం గదిలోకి వచ్చిన పెళ్లి కొడుకులా.. దూల తీరిపోతున్నదనే డైలాగ్స్ ట్రైలర్లో భారీగా పేలాయి.

వేగంగా లైక్స్, వ్యూస్

సర్కారు వారీ పాట ట్రైలర్ మే 2వ తేదీ మధ్యాహ్నం 4 గంటల 9 నిమిషాలకు అందుబాటులోకి వచ్చింది. కేవలం 20 నిమిషాల్లోనే ఈ ట్రైలర్ 100k వ్యూస్ సాధించింది. అదే జోష్‌ను కొనసాగిస్తూ 30 నిమిషాల్లోపే 5 మిలియన్ల వ్యూస్ సాధించింది. అలాగే 300k లైక్స్ సాధించింది.

రెండు గంటల్లోనే 8 మిలియన్లు

ఇక సర్కారు వారి పాట ట్రైలర్ కేవలం రెండు గంటల్లోనే 8 మిలియన్ల వ్యూస్, 700k లైక్స్ సాధించింది. ఫన్ ఎలిమెంట్, మాస్ డైలాగ్స్‌ ఉండటంతో ఈ ట్రైలర్ 10 మిలియన్ల వ్యూస్, 700k లైక్స్‌ను కేవలం రెండు గంటల 40 నిమిషాల్లోనే సాధించింది. ఈ వ్యూస్, లైక్స్ మహేష్‌కు ఉన్న క్రేజ్‌ను తెలియజెప్పింది.

భీమ్లా నాయక్ రికార్డుకు దూరంగా

అయితే మహేష్ బాబు నటించిన సర్కారు వారీ పాట ట్రైలర్.. పవన్ కల్యాణ్ నటించిన భీమ్లా నాయక్ ట్రైలర్‌ను అధిగమించలేకపోయింది. 500k లైక్స్‌ను భీమ్లా నాయక్ 34 నిమిషాల్లోసాధిస్తే.. సర్కారు వారీ పాట 1 గంట 27 నిమిషాల్లో సొంతం చేసుకొన్నది. అలాగే 700k లైక్స్‌ను సర్కారు వారీ పాట 2 గంటల 26 నిమిషాల్లో సాధిస్తే.. భీమ్లా నాయక్ ట్రైలర్ కేవలం 1 గంట 14 నిమిషాల్లోనే సాధించడం విశేషమని సోషల్ మీడియాలో ట్రెండ్ అవుతున్నది.

ట్రెండింగ్‌లో భీమ్లా నాయక్

సర్కారు వారీ పాట సినిమా ట్రైలర్ రిలీజ్ సందర్భంగా భీమ్లా నాయక్ హ్యాష్ ట్యాగ్ ట్రెండింగ్‌గా మారింది. భీమ్లా నాయక్ క్రేజ్ ఇప్పట్లో తగ్గేదేలే అని పవన్ అభిమానులు ట్విట్టర్‌లో పోస్టులు పెడుతున్నారు. హరిహరమల్లు వరకు భీమ్లా నాయక్ రికార్డులకు ఢోకా లేదు అని పవన్ అభిమానులు స్పష్టం చేస్తున్నారు.