డబ్బు ఉంటేనే విలువ.. హత్యలు, దోపిడిలతో పనిలేదు.. ట్రెండీగా బ్లఫ్ మాస్టర్ ట్రైలర్!

చట్టంలోని బొక్కల్లో దూరి

దునియాలో డబ్బు ఉంటేనే మనిషికి విలువు. ఎంత ఎక్కువ ఉంటే అంత విలువ. డబ్బు సంపాదించడానికి హత్యలు, లూటీలు, దోపిడిలు చేయనక్కర్లేదు. చట్టంలో ఉన్న బొక్కల్లో దూరి ఈజీగా సంపాదించవచ్చు అనే సంభాషణలు ఆసక్తిని రేకెత్తించాయి.

డబ్బుతో కొడుతాడు

నేను ధనవంతుడిగా బతికాను. పేదవాడిగా బతికాను. అవకాశం వచ్చిన ప్రతీసారి ధనవంతుడిగా బతకాలని అనుకొన్నాను. ధనవంతుడికి కష్టం వస్తే ఏడ్వడు. డబ్బుతోనే కొడుతాడు అలాంటి పవర్ ఫుల్ డైలాగ్స్‌తో బ్లఫ్‌ మాస్టర్ ట్రైలర్ కేక పుట్టించింది.

ఆరో భూతంగా డబ్బు

దునియాలో బతకడానికి నీరు, నిప్పు, నింగి, నేల, గాలితోపాటు డబ్బు కూడా ఆరో భూతంగా మారింది. పంచభూతాలను పిడికిలిలో బంధించి శాసించే స్థాయికి ఎదిగింది. డబ్బు ఎంతైనా కావాల్సిందే అని రచయిత పులగం చిన్నారాయణ, దర్శకుడు గోపి గణేష్ రాసిన డైలాగ్స్ ప్రేక్షకుడిని ఆలోచింప జేసేలా ఉన్నాయి.

రీరికార్డింగ్ ఎంగేజింగ్‌గా

ట్రైలర్‌లో హీరో సత్యదేవ్ చెప్పిన డైలాగ్ మాడ్యులేషన్, హావభావాలు ఆకట్టుకొన్నాయి. ముఖ్యంగా సునీల్ కశ్యప్ అందించిన రీరికార్డింగ్ చాలా బాగుంది. ఎంగేజింగ్ ఉంది. ఈ ట్రైలర్ రిలీజ్ కాగానే నెటిజన్ల నుంచి భారీగా కామెంట్లు వస్తున్నాయి.

ఇలా నెటిజన్ల కామెంట్స్

బ్లఫ్ మాస్టర్ సినిమా శతురంగ వెట్టై సినిమాకు రీమేక్. కానీ నటీనటుల ఎంపిక చాలా ఇంట్రెస్టింగ్ ఉంది. ఇప్పటి వరకు ఒక్క డిస్ లైక్ కూడా లేదు. బ్లఫ్ మాస్టర్ ట్రెండ్ సెట్టర్‌గా మారుతుందని బలంగా నమ్ముతున్నాను అని నెటిజన్లు యూట్యూబ్‌‌లో కామెంట్లు కనిపించాయి.