Don't Miss!
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Sports RCB vs KKR: 500 టీ20 మ్యాచ్ ఆడబోతున్న ఐపీఎల్ స్టార్.. మ్యాన్ ఆఫ్ మెయిడెన్ ఓవర్స్
- News వైసీపీకి చిక్కిన లోకేష్ ట్వీట్..ఆ వెంటనే ఏం చేశారంటే..?
- Finance Gold Rate Today: బంగారం ప్రియులకు షాక్.. పెరిగిన ధర..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
- Automobiles రూ. 10 లక్షల ధరలో టాటా నెక్సాన్ AMT కొత్త వేరియంట్లు విడుదల.. వివరాలివే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
డ్రగ్స్ కేసు: నిజమైతే రకుల్ పరిస్థితేంటి.. సంచలన విషయాలు బయటపెట్టిన న్యాయవాది
బాలీవుడ్ సినిమా ఇండస్ట్రీలో డ్రగ్స్ కేసు వ్యవహారం మొదలైనప్పుటి నుంచి కూడా సెలబ్రెటీల గుండెల్లో ఒక దడ మొదలైనట్లు అర్ధమవుతోంది. గతంలో ఎప్పుడు లేని విధంగా NCB అధికారులు ఈ విషయాన్ని చాలా సీరియస్ గా తీసుకున్నారు. అనుమానం ఉన్న ప్రతి ఒక్కరినీ విచారణకు హాజరు కావాలని చెబుతున్నారు. ఇక ఇటీవల బాలీవుడ్ స్టార్స్ తో పాటు రకుల్ ప్రీత్ సింగ్ కూడా ఆ కేసులోఇరుక్కోవడం హాట్ టాపిక్ గా మారింది. ఇప్పటికే కొన్ని ప్రశ్నలకు సమాధానం ఇచ్చిన రకుల్ కి రానున్న రోజుల్లో కోర్టు మెట్లు ఎక్కే అవకాశం ఉన్నట్లు బాలీవుడ్ మీడియాలో కథనాలు వెలువడుతున్నాయి.
ఆమెతో స్నేహం చేయడమే కొంప ముంచిందా?
డ్రగ్స్ తీసుకోకపోయినా కూడా రియా చక్రవర్తితో స్నేహం చేయడమే రకుల్ ని ఇబ్బందుల్లో పడేసినట్లు క్లియర్ గా అర్ధమవుతోంది. విచారణలో ఈ టాలీవుడ్ బ్యూటీ అధికారులు అడిగిన కొన్ని ముఖ్యమైన ప్రశ్నలకు సూటిగానే సమాధానం చెప్పిందట. డ్రగ్స్ తానెప్పుడు కూడా తీసుకోలేదని కానీ వాట్సాప్ లో చాటింగ్ చేసిన మాట వాస్తవమేనని ఒప్పుకున్నట్లు నేషనల్ మీడియా ఛానెల్స్ లో కథనాలు వెలువడుతున్నాయి.
రియా చెబితేనే అలా చేసిందట
ముఖ్యంగా రకుల్ కి రియా చక్రవర్తి డ్రగ్స్ ఇచ్చిందని వాటిని ఆమె తన ఇంట్లోనే దాచిపెట్టిందని ఇండియాటుడే, రిపబ్లిక్ టీవీల్లో కథనాలు వెలువడ్డాయి. అయితే అలాంటి ఆరోపణలు వస్తున్న తరుణంలో రకుల్ తన వివరణ ఇచ్చింది. ఆ డ్రగ్స్ తో తనకు ఏ మాత్రం సంబంధం లేదని రియా దాచిపెట్టమంటేనే వాటిని దాచి ఉంచానని కూడా ఆమె అధికారులకు తెలిపినట్లు సదరు మీడియా పేర్కొంది.
అదే నిజమైతే రకుల్ పరిస్థితేంటి?
ఇక రకుల్ ని విచారణ చేసిన అనంతరం ప్రముఖ న్యాయవాది చేసిన కామెంట్స్ చర్చనీయాంశంగా మారాయి. పింక్ విల్లా అనే వెబ్ సైట్ కు ఇచ్చిన వివరణలో న్యాయవాది రిజ్వాన్ మర్చంట్ సంచలన విషయాలను బయటపెట్టారు. ఒకవేళ రకుల్ స్టేట్మెంట్ గనక నిజమైతే.. ఎన్డీపీఎస్ చట్టం 8(సి) ప్రకారం డ్రగ్స్ ను దాచడం తీవ్రమైన నేరంగా పరిగణిస్తారు. ఇక ఆమెను అరెస్ట్ చేయడం కూడా జరుగుతుంది. ఒక విధంగా డ్రగ్స్ సేవించడం కంటే కూడా వాటిని దాచడమే పెద్ద శిక్షకు దారి తీసే అవకాశం ఉంటుంది.
Recommended Video
బెయిల్ కూడా దొరకదా?
ఇక బెయిల్ విషయం గురించి మాట్లాడితే.. డ్రగ్స్ ఏ స్థాయిలో దాచారు అనే దానిపైనే ఉంటుంది. కొన్నిసార్లు బెయిల్ కూడా దొరక్కపోవచ్చు. సెక్షన్ 27 కింద డ్రగ్స్ తో సంబంధాలు ఉన్నాయని ఏ మాత్రం ఋజువైనా కూడా అరెస్ట్ చేసే అధికారం ఉంటుంది.. అని లాయర్ రిజ్వాన్ చెప్పినట్లు పింక్ విల్లా పేర్కొంది. మొత్తంగా బాలీవుడ్ లో రియా చక్రవర్తితో స్నేహం చేయడమే రకుల్ ప్రీత్ సింగ్ ని తీవ్ర స్థాయిలో ఇబ్బందుల్లోకి నెత్తినట్లు తెలుస్తోంది.