హోమ్

లేటేస్ట్ న్యూస్

ప్రపంచ సినీ అభిమానులకు కొత్త అనుభూతి పంచేందుకు హాలీవుడ్ చిత్రం లయన్ కింగ్ మరోసారి సిద్ధమైంది. ఈ చిత్రం భారతీయ పలు భాషల్లో విడుదలకానున్నది. హిందీ వెర్షన్‌కు సంబంధించి సూపర్‌స్టార్ షారుక్ ఖాన్ భాగస్వామ్యమయ్యారు. హిందీ వెర్షన్‌లో ఈ చిత్రంలోని ఓ పాత్రకు షారుక్ ఖాన్ డబ్బింగ్ చెప్పిన విషయం తెలిసిందే.

ది లయన్ కింగ్ సినిమా ప్రమోషన్‌లో భాగంగా షారుక్ ఖాన్ మాట్లాడుతూ.. ఈ సినిమాను మొదట వచ్చినప్పటి నుంచి చూస్తున్నాను. నేను చిన్నవాడిగా ఉన్నప్పటి నుంచి.. మా ముగ్గురు చిన్న పిల్లలతో కలిసి ఇంట్లో ఏదో ఒకటి తింటూ ఈ సినిమాను ఏదో సమయంలో ఎంజాయ్ చేస్తూ ఉంటాం. ఇప్పటి వరకు లయన్ కింగ్ సినిమాను నేను 40 సార్లు సినిమాను చూశాను అని తెలిపారు.

నీ పిల్లలకు ఏ సినిమా చూపించాలనే ఆలోచన వచ్చినప్పుడు.. లయన్ కింగ్‌ను వారితో కలిసి చూడండి. పిల్లలు చాలా బాగా ఎంజాయ్ చేస్తారనేది చాలా సార్లు గమనించాను అని షారుక్ ఖాన్ చెప్పారు. జంగిల్ బుక్ తర్వాత అత్యం ఇష్టమైన సినిమా అని చెప్పారు.

ఇక తాజా లయన్ కింగ్ సినిమా కోసం తన కుమారుడు ఆర్యన్‌తో కలిసి షారుక్ డబ్బింగ్ చెప్పారు. కింగ్ ముఫాసాకు షారుక్, సింబాకు ఆర్యన్ డబ్బింగ్ చెప్పిన సంగతి తెలిసిందే. ఈ చిత్రం హిందీ, తమిళం, తెలుగు భాషల్లో జూలై 19న రిలీజ్ అవుతున్నది.