రవితేజ, నాగ చైతన్య తర్వాత శర్వానంద్.. యంగ్ హీరో చెంతకు ప్రతిష్టాత్మక ప్రాజెక్టు

అజయ్ భూపతి ‘మహాసముద్రం'

అజయ్ భూపతి ‘RX100' తర్వాత ‘మహాసముద్రం' అనే స్క్రిప్టును రెడీ చేశాడు. దీనిని మాస్ మహారాజ రవితేజను దృష్టిలో ఉంచుకుని రాసుకున్నాడు. ఈ సినిమా త్వరలోనే పట్టాలెక్కబోతుందని గతంలో వార్తలు వచ్చాయి. అంతేకాదు, ఇందులో మరో హీరో సిద్దార్ద్ నెగెటివ్ రోల్ చేస్తున్నాడని కూడా అన్నారు. కానీ, ఏమైందో ఏమో ఈ ప్రాజెక్టు ఆగిపోయింది. రవితేజ తర్వాత ఈ స్టోరీ అక్కినేని హీరో నాగ చైతన్య దగ్గరకు వెళ్లింది. ఆయనకు ఈ స్టోరీ బాగా నచ్చిందని, త్వరలోనే ఈ సినిమా ప్రారంభం కాబోతుందనే టాక్ వినిపించింది.

పరశురాంతో సినిమా చేయడానికి గ్రీన్ సిగ్నల్

నాగ చైతన్య.. అజయ్ భూపతి సినిమాను పక్కన పెట్టేసి, ‘గీత గోవిందం' ఫేం పరశురాంతో సినిమా చేయడానికి గ్రీన్ సిగ్నల్ ఇచ్చేశాడు. ఇటీవల ఈ సినిమా పూజా కార్యక్రమాలు కూడా జరిగాయి. దీంతో అజయ్ భూపతి ‘మహాసముద్రం' స్క్రిప్టును మరో యంగ్ హీరోకు వినిపించాడని తాజాగా ఓ వార్త బయటకు వచ్చింది. అతనెవరో కాదు.. శర్వానంద్. అవును.. ఈ యంగ్ హీరోకు అజయ్ భూపతి చెప్పిన స్టోరీ బాగా నచ్చిందట. త్వరలోనే ఈ సినిమాను ప్రారంభించేందుకు అతడు గ్రీన్ సిగ్నల్ ఇచ్చాడని సమాచారం.

శర్వానంద్..‘96'

ప్రస్తుతం శర్వానంద్.. దిల్ రాజు బ్యానర్‌లో ‘96' తెలుగు రీమేక్‌లో నటిస్తున్నాడు. ఈ సినిమాలో సమంత హీరోయిన్. దీనితో పాటు అతడు ‘శ్రీకారం' అనే మూవీలోనూ హీరోగా చేస్తున్నాడు. ప్రస్తుతం షూటింగ్ జరుపుకుంటున్న ఈ చిత్రం వచ్చే ఏడాది సమ్మర్‌లో విడుదల కానుంది. ఈ రెండింటి తర్వాత అజయ్ భూపతి సినిమా పట్టాలెక్కే చాన్స్ ఉందన్న టాక్ వినిపిస్తోంది.