హోమ్

లేటేస్ట్ న్యూస్

టాలీవుడ్ మోస్ట్ టాలెంటెడ్ యాక్టర్స్‌లో శర్వానంద్ ఒకరు. మొదటి నుంచి భిన్న కథలను ఎంచుకుంటూ వస్తోన్న ఈ యంగ్ హీరోకు ఈ మధ్య కాలం కలిసి రావడం లేదు. నటుడిగా మంచి పేరు అయితే సంపాదించుకుంటున్నాడు కానీ కమర్షియల్ విజయాలు మాత్రం సొంతం చేసుకోలేకపోతున్నాడు. అయినా సరే శర్వానంద్ సినిమా వస్తోందంటే.. ప్రేక్షకుల్లో కొత్త ఆశ చిగురిస్తుంది.

ఈ మధ్య కాలంలో చేసిన పడి పడి లేచే మనసు, రణరంగం సినిమాలు శర్వానంద్ కెరీర్‌కు ఏ మాత్రం ఉపయోగపడలేదు. అయితే అతనిలోని నటనను మాత్రం మెరుగుపర్చాయి. శర్వానంద్ తన వంతుగా వంద శాతం ప్రయత్నించినా.. సరైన హిట్ మాత్రం రావడం లేదు. ప్రస్తుతం కొన్ని ప్రాజెక్ట్‌లతో బిజీగా ఉన్న శర్వా.. నుంచి కొన్ని అప్‌డేట్స్ వచ్చాయి.

సమంత, శర్వానంద్ జంటగా వస్తోన్న జాను రిలీజ్ డేట్ ఫిక్స్ అయింది. ఫిబ్రవరి మొదటి వారంలో జాను వస్తోంంది. శర్వానంద్ 29వ చిత్రంగా రాబోతోన్న శ్రీకారం అప్‌డేట్ కూడా వచ్చేసింది. రేపు (జనవరి 27) ఉదయం 9.45గంటలకు ఫస్ట్ లుక్‌ను రిలీజ్ చేయబోతోన్నట్లు ప్రకటించారు. ఈ చిత్రానికి కిషోర్ దర్శకత్వం వహిస్తుండగా.. రామ్ ఆచంట, గోపీ ఆచంట నిర్మిస్తున్నారు. మిక్కీ జే మేయర్ సంగీతాన్ని అందిస్తున్నాడు.