Ayalaan శివకార్తీకేయన్ అయలాన్ రిలీజ్ వాయిదా.. అసలు సమస్య ఏమిటంటే?

తమిళనాడులో సంచలన విజయం సాధిస్తున్న అయలాన్ సినిమా తెలుగు వెర్షన్ విడుదల వాయిదా పడింది. సంక్రాంతి బరిలో తమిళనాడులో రిలీజైన ఈ సినిమా సుమారుగా 100 కోట్ల రూపాయలు వసూలు చేసింది. ఇక సంకాంత్రి బరిలో స్క్రీన్ల కేటాయింపు సమస్య ఏర్పడటంతో తెలుగు అయలాన్ వెర్షన్ వాయిదా పడింది.

అయితే ఈ సినిమాను జనవరి 26వ తేదీన రిలీజ్ చేయాలని నిర్మాత మహేశ్వర్ రెడ్డి ప్లాన్ చేశాడు. ఈ సినిమాను ప్రేక్షకుల ముందుకు తీసుకెళ్లేలా భారీగా ప్రమోషన్స్ కార్యక్రమాలు, ప్రీ రిలీజ్ ఈవెంట్ నిర్వహించి సినిమాపై భారీగా బజ్ క్రియేట్ చేశాడు.దాంతో తెలుగు అయలాన్‌ అడ్వాన్స్ బుకింగ్ భారీ రెస్పాన్స్ లభించింది. అయితే అనుకొన్న షెడ్యూల్ ప్రకారం విడుదల వాయిదా పడింది. ఈ రిలీజ్ వాయిదా వెనుక కారణాల్లోకి వెళితే..

అయలాన్ తెలుగు రిలీజ్ విషయంలో తమిళ నిర్మాత కోటపాడి జే రాజా (కేజేఆర్)‌కు లీగల్ సమస్యలు తలెత్తాయి. ఆ సమస్యను పరిష్కరించుకోవడానికి సమయం పట్టడంతో తెలుగు రిలీజ్‌కు అడ్డంకిగా మారింది. దాంతో మార్నింగ్ షోలు వాయిదా పడ్డాయి. అయితే అయలాన్ సినిమాకు అడ్వాన్స్ బుకింగ్‌ టికెట్ అమ్మకాలు నమోదయ్యాయి. ఆ టికెట్ డబ్బులను వెనక్కి తిరిగి ఇస్తున్నారు.

ఇదిలా ఉండగా, అయలాన్ సినిమా తెలుగు వెర్షన్‌ను త్వరలోనే ఆంధ్రా, నైజాంలో భారీగా రిలీజ్ చేసేందుకు నిర్మాత మహేశ్వర్ రెడ్డి ప్లాన్ చేస్తున్నారు. ఈ సినిమా ప్రమోషన్స్ భారీగా నిర్వహించేందుకు ఏర్పాట్లు చేస్తున్నారు. త్వరలోనే రిలీజ్ డేట్‌ను ప్రకటించేందుకు నిర్మాత అధికారికంగా ప్రకటన చేయనున్నారు.