RRR మూవీ ఇంట్రెస్టింగ్ అప్‌డేట్.. ఆయనకు జోడిగా ఆ హీరోయిన్

వికారాబాద్ అడవుల్లో..

ఆర్ఆర్ఆర్ మూవీ షూటింగ్‌లో బాలీవుడ్ స్టార్ హీరో అజయ్ దేవగణ్ జాయిన్ అయ్యాడు. ఈ మేరకు నిర్మాతలు ఓ ప్రకటన చేశారు. ప్రస్తుతం ఈ మూవీ హైద్రాబాద్ పరిసర ప్రాంతాల్లోనే షూటింగ్ జరుపుకుంటోంది. వికారాబాద్ అడువుల్లో ఎన్టీఆర్, అజయ్ దేవగణ్‌లకు సంబంధించిన కీలకమైన సన్నివేశాలను చిత్రీకరిస్తున్నట్టు తెలుస్తోంది.

ఎన్టీఆర్‌పై అదిరిపోయే సన్నివేశాలు..

ఈ షెడ్యూల్‌లో ఎన్టీఆర్‌పై అదిరిపోయే సీన్స్ తెరకెక్కించబోతోన్నట్టు సమాచారం. అయితే ఆర్ఆర్ఆర్‌కు సంబంధించిన ముఖ్యమైన ప్రతీ సీన్స్ లీకవ్వడం పరిపాటిగా మారిపోయింది. ఈ క్రమంలో వీటిని ఎంత గుట్టుగా ఉంచాలనుకుంటే అంత రచ్చగా తయారవుతోంది. విశాఖ అడువుల్లో తెరకెక్కించిన ఎన్టీఆర్ సీన్స్‌ లీకై పెద్ద దుమారమే రేగింది. తాజాగా అలాంటి సీనే ఒకటి జరిగింది. ఈ మూవీలో యంగ్ టైగర్ ఓ పులితో తలపడనున్నట్లు తెలుస్తోంది. టార్జన్ లుక్‌లో ఎన్టీఆర్ లీకైన ఫోటో సోషల్ మీడియాలో రచ్చ చేస్తోంది.

ఇప్పటికే ఇద్దరు ఖరారు..

ఈ సినిమాలో హీరోలుగా నటిస్తున్న రామ్ చరణ్ సరసన బాలీవుడ్ హీరోయిన్ అలియాభట్ నటిస్తుండగా, మరో హీరో ఎన్టీఆర్ సరసన హాలీవుడ్ హీరోయిన్ ఒలీవియో మోరిస్ నటిస్తోంది. అంతకు ముందు ఎన్టీఆర్‌కు జోడిగా ఓ భామను అనుకున్నా.. ఆమె తప్పుకోవడంతో ఒలీవియాను పట్టుకొచ్చారు.

Recommended Video

Megastar Chiranjeevi Sweet Warning To Ram Charan

అజయ్ దేవగణ్ సరసన..

అయితే ఈ మూవీలో ఓ ముఖ్య పాత్రను పోషిస్తున్న అజయ్ దేవగణ్‌కు కూడా ఓ హీరోయిన్ అవసరం ఉంటుందట. ఆమె క్యారెక్టర్‌కి కూడా ఇంపార్టెన్స్ ఉంటుందని టాక్. అందుకే అజయ్ సరసన శ్రియాను తీసుకున్నట్టు టాక్. ఇంతకుముందే వీరిద్దరు దృశ్యం బాలీవుడ్ రీమేక్‌లో కలిసి నటించారు.