సైమాలో అదరగొట్టిన నిధి అగర్వాల్.. మెగాస్టార్‌ను ఆకట్టుకొన్న బ్యూటీ

Updated: Saturday, August 17, 2019, 9:25 [IST]

విదేశీ గడ్డ ఖతర్‌లో సైమా అవార్డుల కార్యక్రమం బ్రహ్మండంగా సాగిపోతున్నది. ఈ వేదికపై తెలుగు తారలు తళతళలాడిపోయారు. మెగాస్టార్ చిరంజీవి ప్రత్యేక ఆకర్షణగా మారారు. సైమా అవార్డుల కార్యక్రమంలో తారలు సూపర్ హిట్ సాంగ్స్‌కు స్టెప్పులేసి అదరగొట్టారు. ఆ క్రమంలోనే నిధి అగర్వాల్ కూడా విశేషంగా ఆకట్టుకొన్నారు. తన ప్రదర్శన తర్వాత చిరంజీవి ఆశీస్సులు అందుకోవడం ప్రత్యేక ఆకర్షణగా మారింది.

సౌత్ ఇండియన్ ఇంటర్నేషనల్ మూవీ అవార్డ్స్ (సైమా) కార్యక్రమం ఖతర్‌లోని దోహాలో అట్టహాసంగా ప్రారంభమైంది. గురువారం రాత్రి ప్రారంభమైన ఈ కార్యక్రమం శుక్రవారం వరకు కొనసాగింది. తెలుగు సినిమా రంగంలో ఉత్తమ ప్రతిభ చూపిన నటీనటులు, చిత్రాలకు అవార్డులు అందజేశారు. ఈ కార్యక్రమానికి మెగాస్టార్ చిరంజీవి ముఖ్య అతిథిగా హాజరయ్యారు.

SIIMA awards 2019 complet list: Nidhi Aggarwal and Chiranjeevi goes crazy

ఈ కార్యక్రమంలో భాగంగా చిరంజీవి పాటలకు నిధి అగర్వాల్ స్టెప్పులేసి అదరొట్టింది. ఫెర్ఫార్మెన్స్‌కు ముందు హార్లే డెవిడ్సన్ బైక్‌పై ఎంట్రీ ఇచ్చింది. తన ఎలక్ట్రికల్ ఫైర్‌తో స్టేజిని దడదడలాడించింది. ఫెర్ఫార్మెన్స్ తర్వాత చిరంజీవి వద్దకు వెళ్లి షేక్ హ్యాండ్ ఇచ్చింది. చిరంజీవిని కౌగిలించుకొని ఆనందంలో మునిగిపోయింది. అనంతరం మాట్లాడుతూ.. తన ఫెర్ఫార్మెన్స్‌ను చిరంజీవికి అంకితం ఇస్తున్నాను అని చెప్పింది. గ్లామర్ పరంగా కూడా నిధి ఆహుతులను ఆకట్టుకొన్నది.