Don't Miss!
- News జగన్ ను జైల్లో పెట్టావ్.. పుట్టపర్తి సాయిబాబా సంపదంతా దోచుకున్నావ్: తగ్గని మంత్రి పెద్దిరెడ్డి
- Technology Lava ProWatch లావా ప్రోవాచ్ డిజైన్, ధర వివరాలు లీక్.. ఫంక్షన్ కీ సహా కీలక హెల్త్ ట్రాకర్లు..!!
- Sports ముక్కలవుతున్న ముంబై.. హార్దిక్ను విమర్శిస్తూ నబీ పోస్ట్
- Lifestyle ఎండాకాలంలో ఈ ఫుడ్స్కు దూరంగా ఉండాలి.. లేదంటే డీహైడ్రేషన్ తప్పదు..
- Automobiles ఈవీ ఓనర్లకు Google Maps గుడ్ న్యూస్.. ఇకపై మీకు ఈ టెన్షన్ ఉండదు.!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
సైమా 2019... అత్యధిక నామినేషన్లు ‘రంగస్థలం’ చిత్రానికే!
సౌత్ ఇండియన్ ఇంటర్నేషనల్ మూవీ అవార్డ్స్ (సైమా) 2019 వేడుక ఈ సారి ఖతార్లో వైభవంగా నిర్వహించేందుకు ప్లాన్ చేస్తున్నారు. ఆగస్ట్ 15, 16 తేదీల్లో ఈ ప్రోగ్రాం జరుగనుంది. ఈ వేడుకకు సంబంధించిన విశేషాలను నిర్వాహకులు ఇటీవల హైదరాబాద్లో నిర్వహించిన ప్రెస్ మీట్లో వెల్లడించారు.
సైమా ప్రెస్ మీట్లో విబ్రి మీడియా ఎండీ విష్ణు ఇందూరి, స్పాన్సర్ షిప్ సంస్థ పాంటలూన్స్ మార్కెటింగ్, ఈకామర్స్ హెడ్ మిస్టర్ ర్యాన్ ఫెర్నాండెజ్, శ్రియా శరన్, శాన్వి శ్రీవాస్తవ, అస్మిత నర్వాల్, నిధి అగర్వాల్, మాన్వితా కామత్, రుహాని శర్మ, ప్రియదర్శి, రాహుల్ రామకృష్ణ, సుధీర్బాబు తదితరులు సందడి చేశారు.
గతేడాది విడుదలైన సినిమాలకు సంబంధించి ఆయా రంగాల్లో ఉత్తమ ప్రతిభ కనబరిచిన వారికి అవార్డుల ప్రధానం చేయబోతున్నారు. ఈ సైమా అవార్డుల్లో రంగస్థలం చిత్రం అత్యధికంగా 12 కేటగిరీల్లో నామినేట్ అయింది. మహానటి చిత్రాని 9 నామినేషన్స్, గీత గోవిందం మూవీకి 8 నామినేషన్స్, అరవింద సమేతకు 6 నామినేషన్స్ వచ్చాయి. ఎవరికి ఏ అవార్డు దక్కుతుంది, ఏ మూవీ ఎన్ని అవార్డులు దక్కించుకుంటుంది అనేది ఆగస్టు 15, 16 తేదీల్లో తేలనుంది.
కేవలం తెలుగు సినిమా పరిశ్రమకు సంబంధించి మాత్రమే కాదు... కన్నడ, మలయాళం, తమిళ చిత్రాలకు కూడా అవార్డుల ప్రధానం జరుగబోతోంది. ఖతార్లో రెండు రోజుల పాటు వైభవంగా జరిగే ఈ వేడుకలో సౌతిండియా స్టార్లు అందరూ సందడి చేయబోతున్నారు.